'Baserrikoa', esnea etxekoa dela egiaztatzen duen eranskina

Gaztandegiren batzuetan baliabide oso aurreratuak dituzte ardiak jezteko. Argazkia La Lezeri dagokio./R. GUTIERREZ — Gaztandegiren batzuetan baliabide oso aurreratuak dituzte ardiak jezteko. Argazkia La Lezeri dagokio. / R. GUTIERREZ

Idiazabal Jatorri Deiturak gaztandegiek borondatez erabili ahal izango duten osagarri bat sortu du, gazten ezaugarri hori nabarmentzeko

Sábado, 23 septiembre 2017, 11:19

Idiazabal Jatorri Deiturako gaztek bereizgarri ugari dituzte, eta horietako bat da ekoizle gehienek beraien ardien esnea baliatzen dutela gazta egiteko. Hortaz, ekoizpenaren ehuneko handi bat gazta euren artaldearen esnearekin soilik egiten duten gaztandegietatik irteten da. Jatorri Deiturak emandako datuen arabera, "Idiazabal gazten erdia gutxi gorabehera eta gaztandegien % 85 baino gehiagoren gaztak baldintza horietan egiten dira".

Hori izanik jarduteko era ohikoa, orain arte ez zen inolako bereizketarik egiten etxeko esnea eta beste norbaiti erosia erabiltzen zutenen artean, baina "informazio gero eta gehiago eskatzen duen merkatu baten eskaerei erantzunez", Idiazabal JDBren Kontseilu Arautzaileak etiketatuari eragiten dion eranskin moduko bat sortu du etxeko esnearekin egindako Idiazabal gaztak identifikatzeko: 'Baserrikoa' deitura osagarria.

Irudian ikus daitekeen moduan, deituraren logogrifoan egindako aldaketa txiki bat da, eta Idiazabal gazta guztiak beren ardi latxa edota Karrantzako ardien artaldearen esnearekin egiten dituzten gaztandegiek borondatez erabili ahal izango dute.

Idiazabal gaztaren ezaugarri nagusietako bat argi bistaratzen duen 'Baserrikoa-De caserío-Fermier' horrekin "Jatorri Deiturak bere publikora gerturatzeko urrats bat gehiago ematen du, eta baita sektorearen eskari historiko bat ase ere".