23.000 pertsonak hartu zuten parte iaz 'Aztertu' programan

Ekitaldia amaitutakoa, Aquariuma bisitatu zuten sarituek eta gainerako parte-hartzaileek./
Ekitaldia amaitutakoa, Aquariuma bisitatu zuten sarituek eta gainerako parte-hartzaileek.

Itsasertzari buruzko ingurumen-hezkuntzako egitasmoaren sariak banatu dira Donostiako Aquariumen

2017. urtean, 23.000 pertsonak hartu zuten parte 'Aztertu' programan, itsasertzeko eta ibaietako tarte batzuetako laginak hartzen, prestakuntza-irteeretan, haur-hezkuntzarako material espezifikoak eskatzen edo lehiaketetan parte hartzen. Aztertu programa itsasertzari buruzko ingurumen-hezkuntzako 'Coastwatch' Europako ekimenaren egokitzapen gisa sortu zen, eta 1992 urteaz geroztik garatzen da. Bi kanpaina biltzen ditu: Azterkosta eta Ibaialde. Kanpaina horiek, Ingurumen, Lurralde Plangintza eta Etxebizitza Sailak ohar baten bidez adierazi duenez, "funtsezko tresnak dira gure itsasertz eta ibaien berezitasunak hobeto ezagutzeko, haien problematika zabaltzeko eta gune natural horiek babesteko premiari buruzko gizarte-kontzientziazioa handitzeko".

Larunbatean, Donostiako Aquariumen egindako ekitaldian, marrazki eta argazki digitalean, Azterkosta eta Ibaialde modalitaleetan eta adinaren araberako hiru kategoriatan ematen diren lehiaketen sariak banatu ziren. Gero eta arrakasta handiagoa dute lehiaketa horiek, eta 3.407 lan jaso ziren joan den urtean.

Ekitaldian, Ingurumeneko sailburuorde Elena Morenok Euskadiko ibaiak eta itsasertza aztertzeko 'Aztertu' programan parte hartu duten ikasleek ingurumenarekin duten konpromiso handia azpimarratu zuen. Elena Morenok adierazi duenez, "ingurumena neurri handiagoan errespetatuko duen etorkizun baten promesa eta euskal gizarteak gure ingurune naturalaren kontserbazioan duen inplikazioaren froga" dira ikasle horiek.

Elena Morenorekin batera, Ingurumen Plangintzaren eta Natura Ingurunearen zuzendari Aitor Zuluetak eta Donostiako Aquariumeko presidente Jose Ignacio Espelek hartu zuten ekitaldian. Sarien bidez, berriz, 16 ikasleren, Getxoko Larrañazubi ikastetxearen, Urdulizko Elortza eskolaren eta Santa Katalina lorategi botanikoaren ingurumen-arloko lana eta inplikazioa aitortu zen. Gogoratu zuten halaber iazko Topaketak ibilgu eta itsasertzen babesarekin konprometitu zirela eta 2017an hainbat azterlan eta ekimen aurkeztu zituzten 180 ikasle, irakasle, familia eta pertsona bildu zituela.

Temas

Euskera

Contenido Patrocinado

Fotos

Vídeos