Diario Vasco

Etxepare lizeoaren aldeko sagarrondoak Tolosan eta Seguran

Bideo bat ere prestatu dute ikasleek ekimena girotzeko.
Bideo bat ere prestatu dute ikasleek ekimena girotzeko.
  • Bi herriotan izango dira larunbatean 'Euskararen sagartzea' kanpainako kideak, beren arbolekin

Seaskak 'Euskararen sagartzea' kanpaina jarri zuen abian, Ipar Euskal Herriko ikastolak eraikitzen ari diren Beñat Etxepare lizeoaren alde. Helburu nagusia da une honetan Seaskaren erronka nagusia den ikastetxea ekipatzeko dirua biltzea da, eta laguntza eman nahi duen pertsonak bi aukera ditu: sagarrondo bat erosi eta berak landatu, edo erosi eta landaketa Seaskakoen esku utzi, hauek 'Euskararen sagartzea' (sagastia) sortuko dutelarik. Larunbat honetan Tolosan eta Seguran erosi ahal izango dira sagarrondoak, goizez Tolosan, arratsaldez Seguran, 18:00etatik aurrera. Arbolak 30 euroan egongo dira salgai.

Ikasleria asko hazten ari da Seaskako ikastetxeetan, eta horrek inbertsio berriak egin beharra dakar. 1969 urtean sortua, Seaskak sekulako bilakaera ezagutu du: gaur egun 3.500 ikasle dira , 34 ikastolatan : 30 lehen mailakoak, 3 kolegio (Ziburun, Kanbon eta Lartzabalen) eta lizeoa Baionan. Orain asmoa da baionako lizeo hori berritzea.

Baionako Etxepare lizeoan 260 ikasle ari dira aurtengo ikasturtean, 30 irakasle eta bestelako 20 langile. Eraikin berria egiteko sosak ziurtatuta daude, baina barruko ekipamendurako behar direnak ez. 300.000 euro bildu behar dituzte barrutik guztiz janzteko, eta asmo horrekintxe sortu dute ‘Euskararen sagartzea’ kanpaina.

Formakuntza osoa euskaraz egiten duen Ipar Euskal Herriko lizeo bakarra da eta egoitza berriarekin, adar profesionala ere eskainiko du. Barnetegia ere eraikinean bertan izango du. Orain, berriz, etxea urruti duten ikasleek ordubeteko bidaia egin behar izaten dute ikastetxetik barnetegiraino.

Temas

Recibe nuestras newsletters en tu email

Apúntate