Tren gehiago Realaren eta Vila-realen arteko partida dela eta

Partidara joateko zerbitzua tren erregularrekin eskainiko da eta zerbitzu bereziak jarriko dira norgehiagoka amaitu eta gero

EL DIARIO VASCO

Euskotren sozietate publikoak tren zerbitzua indartuko du asteazken honetan, urtarrilaren 4an, Realak eta Vila-realek Anoetan 19:00etatik aurrera jokatuko duten Kopako partida dela eta. Zerbitzua indartuko duten tren bereziek ohiko geldialdiak egingo dituzte, Euskotrenek jakinarazi duenez.

Horrela, partidara joateko zerbitzua tren erregularrekin eskainiko da, ohiko ordutegian: Irun-Anoeta 18:22an (ez da Gaintxurizketan gelditzen), Hendaia-Anoeta 18:03an, Altza-Anoeta 18:20 eta 18:35ean, Lasarte-Oria-Anoeta 18:30ean, Amara-Anoeta 18:37 eta 18:52an, eta Zumaia-Amara 18:00etan.

Norgehiagokaren ondorengo trenak ondoko hauek izango dira: Anoeta-Hendaia 20:48, 21:03, 21:18 eta 21:33an, Anoeta-Altza 20:55 eta 21:10ean, Anoeta-Zumaia 21:14an (partidarako zerbitzu berezia eta Amaran ez da beharrezkoa trenez aldatzea) eta Anoeta-Lasarte 20:56 eta 21:07an.

Informazio gehiago behar duten erabiltzaileek Euskotrenen 902 543 210 telefono zenbakira dei dezakete. Horrez gain, informazioa jaso dezakete geltokietan eta geralekuetan eta www.euskotren.eus eta @euskotrenEJGV guneetan.

Contenido Patrocinado

Fotos

Vídeos