Diario Vasco

Herriz herri aurkeztuko du EHUk bere eskaintza

G
G / ARIZMENDI
  • Gipuzkoako hamar herritan egingo dituzte aurkezpenak abenduaren 1etik urtarrilaren 11ra bitartean

UPV/EHUk, Gipuzkoako Campusaren bidez, informazio-jardunaldiak egingo ditu abenduan eta urtarrilean Gipuzkoako hainbat herritan. Jardunaldi hauen helburua Euskal Herriko Unibertsitatearen eta etorkizuneko unibertsitate-ikasleen arteko lehen harremana bideratzea da, baita Euskal Herriko Unibertsitateari buruzko informazio orokorra eskaintzea eta gogoko dituzten unibertsitate-ikasketen gainean erabakiak hartzeko unean-uneko zalantzak argitzea.

Lehenengo Informazio-saioa ostegunean, abenduaren 1ean izango da Zarauzko Lizardi B.H. Institutuko areto nagusian. Ostean, ondorengo asteetan, Euskal Herriko Unibertsitateak Gipuzkoako udalerri garrantzitsuenak zeharkatuko ditu (Arrasate, Azpeitia, Beasain, Eibar, Errenteria, Donostia, Legazpi, eta Tolosa) urtarrilaren 11ean Irunen emango den informazio-hitzaldiarekin amaitzeko.

Ekitaldi guztiak 18.30etan hasiko dira eta elebidunak izango dira. Beasainen egingo den saioaren ondotik, hilaren 11an Zarautzen (Lizardi B.H. Institutua) egingo da aurkezpena; 12an Arrasaten (Kulturaten); 13an Azpeitian (Sindikatu Zaharrean), Beasainen (B.H. Institutua), Eibarren (Portalea) eta Errenterian (Reina aretoa); 14an Donostian (Carlos Santamaria zentroa); 15ean Legazpin (Kultur Etxea); 20an Tolosan (Kultur Etxea) eta urtarrilaren 11an, esan bezala, Irunen (Amaia Zentroa).

Temas

Recibe nuestras newsletters en tu email

Apúntate