Diario Vasco

Euskarazko hedabideen erronkak aztergai

  • Toki Komunikabideen Bateraguneak TOKIKOM jardunaldiak egingo ditu azaroaren 14an Arrasaten

Tokikom Toki Komunikabideen Bateraguneak Tokikom jardunaldiak egingo ditu azaroaren 14an Arrasateko Garaia Berrikuntza Gunean (Gipuzkoa), Arko jardunaldien 25. urteurrena eta Tokikomen sorreraren bosgarrena ospatzeko, eta «komunikazioaren puntako profesionalak» bilduko ditu euskarazko toki komunikabideen erronkak identifikatzen saiatzeko asmoz. Topaketan parte hartzeko izena emateko epea asteazken honetan itxiko da, azaroaren 9an, antolakuntzak jakinarazi duenez.

Tokikomek Mondragon Unibertsitatearen HUHEZI Fakultatearen laguntzarekin antolatu ditu jardunaldiak, eta Eusko Jaurlaritzaren, Nafarroako Gobernuaren, Gipuzkoako Foru Aldundiaren eta Arrasateko Udalaren babesarekin.

Esan bezala, jardunaldiak azaroaren 14an izango dira, Arrasateko Garaia Berrikuntza Gunean, eta euskarazko toki komunikabideen iragana, oraina eta geroa aztertzea dute helburu nagusitzat. Topaketa goizeko 09:00etan hasi eta arratsaldeko 15:00etan bukatuko da.

Jardunaldiek bi zati izango dituzte. Lehenengoan, errepaso sakona egingo zaio toki komunikabideek orain arte euskararen transmisioan izan duten egitekoari, eta horretarako, Jon Sarasua eta Kike Amonarriz arituko dira elkarrekin solasean, aurretik planteatutako hainbat galderaren inguruan.

Jarraian, toki komunikabideetan azken urtean egindako azalik, edukirik eta ikus-entzunezkorik onena sarituko dituzte,Tokikom sarien banaketa ekitaldian. Sarien lehen edizio honetan 104 proposamen aurkeztu dituzte Euskal Herri osoko toki komunikabideek. Gainera, Francesc Fabregas Associació Catalana de Premsa Comarcal elkarteko presidenteak 35 urte bete berri dituen elkartearen berri emango du.

Atsedenaldiaren ondoren, jardunaldien bigarren zatian aurkezpen praktikoak egongo dira, «sektoreko puntako profesionalen eskutik». Aurkezpenak aldi berean izango dira, hiru gairen inguruan bilduta: marketina, edukiak eta teknologia. Aurkezpenen helburua toki komunikabideen erronkak identifikatu eta datozen urteetako lana zentratzea da.

Temas

Recibe nuestras newsletters en tu email

Apúntate