Diario Vasco

Ehundaka bisitari txerri azokan

Giro paregabea. Bisitari ugari hurbildu zen atzo Mutiloako txerri azokara.
Giro paregabea. Bisitari ugari hurbildu zen atzo Mutiloako txerri azokara. / ARGAZKIAK SALOMÉ OLAETXEA
  • Eguraldia bikaina izan ez bazen ere bertako produktuez gozatzeko aukera izan zen

  • Eguerdian, herriko emakume talde batek odolkiak eskuz egin zituen, ikusle ugari erakarriz

Txerri Azokaren bederatzigarren edizioa ospatu zuten atzo Mutiloan. Eguraldia bikaina izan ez bazen ere ehundaka bisitari izan ziren. Hamarretan hasita txerrikiaz gozatzeko aukera izan zen: odolkiak, txorizoa, urdaiazpikoa, hirugiharra, eta bezperatik erretzen zegoen txerriaren pintxoak. Horretaz gain, postuak ere bazeuden ikusgai: txerrikiak, bertako produktuak, xaboiak, artesania, kontserbak, ....Plazan eta frontoi aurrean ez ziren falta Euskal Txerriak

Eguerdian, herriko emakume talde batek odolkiak eskuz egin zituen. Ohikoa ez den eskulan honek jende askorengan interesa sortu zuen, ingurura ikusle ugari erakarriz. Haurrek ere Ludoteka barruan antolatutako gailetak egiteko tailerrean gozatzeko aukera izan zuten.

Antolatzaileak pozik agertu ziren. «Dena prest izateko egin dugun lan guztiak merezi izan du, Mutiloa bezelako herri batean horrelako feria bat antolatzeak herritar askoren inplikazioa eskatzen du», azaldu zuten.

Goizean goiz ere, herriko talde batek, frontoian babarrunak prestatzeari ekin zion eta gainontzekoak azokan murgilduta zeuden bitartean, bazkaria prestatu zuten.

Bestalde, bertako produktuen saski bat zozketatu zen goizean zehar azokan erosketak egin zituztenen artean. Irabazlea Imanol Ruiz de Egino zegamarra izan zen.

Temas

Recibe nuestras newsletters en tu email

Apúntate