Diario Vasco

Elikadura Eskolaren VI. Topaketa

  • Eroski Fundazioak antolatuta, Basque Culinary Centerren egingo da ostiral honetan

Eroski Fundazioaren Elikadura Eskolaren VI. Topaketa egingo da ostiral honetan, azaroak 4, Donostiako Basque Culinary Center zentroan, 'Elikadura orekatua. Non gaude eta nora goaz? Zer dakar nutrizioak etorkizunean' izenburupean. Nutrizio aldetik datozen eginkizunak aztertuko dira jardunaldian, Eroski Fundazioak sustatzen duen ENPE Espainiako Herritarren Nutrizio Azterketatik ateratako datuetan oinarrituta.

Inaugurazio ekitaldiaegongo dira Miren Dorronsoro Eusko Jaurlaritzako Osasun Publikoaren eta Adikzioen jarduneko zuzendaria, Aitziber San Roman Donostiako Udaleko Ekintza Sozialeko zinegotzi delegatua eta Agustin Markaide Eroskiko presidentea, antolakuntzak jakinarazi duenez.

Egun osoa iraungo duen topaketan, nutrizio arloan ospe handia duten adituek euskal gizartearen elikadura ereduak. nola hurbildu dieta mediterraneora, dietak nutrigenomikaren bidez pertsonalizatzeko aukerak, esku hartze programek elikadura osasungarrira aldatzeko orduan izaten duten eragina eta elikaduraren eta emozioen arteko lotura aztertuko dituzte.

Topaketa amaitzeko, Maite Peña Gipuzkoa Foru Aldundiko Gizarte Politiketako sailburuak, Elena Urdaneta BCCeko I+G+B proiektuetako zuzendariak eta Alejandro Martinez Berriochoa Eroski Fundazioko zuzendariak hitz egingo dute.

Temas

Recibe nuestras newsletters en tu email

Apúntate