Diario Vasco

Software eta Teknologia Librearen Mintegian izena emateko epea, zabalik

  • Udako Euskal Unibertsitateak eta Talaios kooperatibak elkarlanean antolaturiko mintegiaren hirugarren edizioa Tabakaleran egingo da azaroaren 17an

Udako Euskal Unibertsitateak (UEU) eta Talaios kooperatibak elkarlanean antolaturiko Software eta Teknologia Librearen III. Euskal Mintegian izena emateko epea zabalik da. Software eta teknologia libreen arloan lanean dabiltzan euskal garatzaileek elkar ezagutzea eta sarea indartzea da topaketaren helburua. Mintegia Donostiako Tabakaleran egingo da, azaroaren 17an.

Antolakuntzako iturriek naabrmendu dutenez, UEUren Software Librearen Euskal Mintegia (I. eta II. mintegia) aitzindari izan zen Euskal Herrian software librearen garrantzia azpimarratzen, eta orain, urte asko eta gero, topaketak berreskuratu, Talaios kooperatibarekin elkarlanean aritu eta adituen arteko topaketa zabalagoa antolatu du UEUk.

Esan bezala, software eta teknologia libreen arloan lanean dabiltzan euskal garatzaileek elkar ezagutzea eta sarea indartzea du helburu Software eta Tekonologia Librearen III. Euskal Mintegiak. Izan ere, oraingoan, softwarea bakarrik ez, bestelako teknologia libreak ere kontuan hartu nahi dira: datu libreak, estandar irekiak, hardware librea, azpiegitura libreak edota kontsumo eta zerbitzu teknologiko libreagoak.

'Burujabetzat teknologikorako bidean' izenburupean, burujabetza teknologikoaren eztabaida erdigunera ekartzea ere bada helburua. Horrela, mintegian izena emateko epea dagoeneko zabalik dago, eta matrikula doan izan arren, beharrezkoa da aurretiaz izena ematea.

Temas

Recibe nuestras newsletters en tu email

Apúntate