Diario Vasco

Ipuin kontalarien maratoia larunbatean

  • Donostian egingo da bigarren urtez, Galtzagorri Euskal Haur eta Gazte Literaturako Elkarteak antolatuta

Galtzagorri Euskal Haur eta Gazte Literaturako Elkarteak Ipuin Kontalarien II. Maratoia egingo du larunbatean, urriaren 22an, Donostiako Haur Liburutegi Nagusiarekin elkarlanean, eta ipuin kontaketa saio eskainiko ditu Donostiako Liburutegi Nagusian, Galtzagorri Elkarteak jakinarazi duenez.

Maratoiaren lehenengo edizioa San Telmo museoan egin zuen Galtzagorrik, bere 25. urteurrena ospatzeko, Donostia 2016 Europako Kultur Hiriburu Fundazioaren laguntza jasoz. 200 pertsona bildu ziren orduko hartan, eta izan zuen arrakasta ikusirik, 2016an bigarren edizioa prestatu du.

Esan bezala, Ipuin Kontalarien II. Maratoian lau ipuin kontaketa saio eskainiko dira, eta Galtzagorrik egitarau anitza prestatu du, haur, gazte eta helduak erakartzeko asmoz. Egun osoko saioetan, zuzeneko musikaz lagunduriko ipuinak, antzeztutakoak, itzal txinatarrak edo belarrira xuxurlatuko poesiak entzun ahal izango dituzte bertaratutakoek.

Adin ezberdinetako haur eta gazteentzat prestatu diren lau saioak hauek dira: 11:00etan, Xabier Olasoren iTximeletrak airera' saioa (2-5 urteko haurrak eta gurasoak); 12:00etan, Bego Alabazanen 'Jhonny Cold Feet' itzal txinatarrak (6-9 urte); 16:00etan, Kalabazan kultur ekimenen (Irati Astobieta, Garazi Basterretxea eta Jone Ibarretxe) 'Olerki xurxurlatuak' (10-14 urte); 17:00etan, Ines Bengoaren 'Hotzikara, gozamen erotikoaren historia' (14 urtetik aurrera).

Saioak dohainik izango dira, baina izena ematea gomendatzen da, saio bakoitzean lekua mugatua izango baita. Izena emateko helbide honetara idatzi behar da: haurliburutegia@donostia.eus

Temas

Recibe nuestras newsletters en tu email

Apúntate