Diario Vasco

Euskararen Ginkanan izena emateko epea zabalik

Honelako txeke bat dute zain irabazleek.
Honelako txeke bat dute zain irabazleek.
  • Kutxa Ekoguneak eta Azkue Fundazioak antolatze duten ekimenean parte hartu nahi izanez gero, abenduaren 3a arte eman daiteke izena

Kutxa Ekoguneak eta Azkue Fundazioak elkarlanean antolatzen duten Euskararen Ginkana ekimenaren bosgarren edizioa abian da, eta parte hartu nahi duten talde abenduaren 3ra arte izango dute epea izena emateko. 'Hizkuntza praktika ekologikoak' hartu dira gaitzat edizio honetan eta gainditu beharreko probak hizkuntzen garapen jasangarrirako lagungarri gertatzen diren hiztun eta hizkuntza komunitateen ekimen eta praktikei lotuak izango dira.

Antolatzaileek Bilbon astelehen honetan jakinarazi dutenez, 3.000 euro jasoko ditu talde irabazleak, euskararen aldeko egitasmo bat finantzatzeko. Gainera, aurten bosgarren edizioa dela ospatzeko, astero sari berezi bat zozkatuko da aste horretako proba erantzun duten talde guztien artean.

Kutxa Ekoguneak euskaraz eta euskararekin dibertitzeko antolatzen duen lehiaketa da Euskararen Ginkana, aurtengoan ere Azkue Fundazioarekin elkarlanean. Bi erakundeek euskara sustatzeko duten konpromisoan bat egin eta hizkuntza praktika ekologikoak sustatzea dute helburu. Bosgarren edizio honetan ere, Euskaltzaleen Topagunea izango da lehiaketaren koordinatzailea.

Antolatzaileek nabarmendu dute Euskararen Ginkana euskaltzale zein kultura edo aisialdiarekin lotutako taldeen artean zabaldu den lehiaketa dela, «norbanakoen partaidetzatik taldekako parte hartzera eta Gipuzkoatik, Euskal Herri osora zabaldu dena». Bilakaera horren lekuko da astelehen honetan egin den aurkezpen ekitaldia: Bilboko Euskararen Etxean aurkeztu da, eta Donostian izango da finala, Ekogunean.

Bi fasetan gauzatuko da ginkana: lehenengo faseak sei asteko iraupena du, eta abenduaren 3an hasi eta urtarrilaren 19an amaituko da. Fase honetan www.euskararenginkana.eus webgunean astero argitaratuko diren probak gainditu beharko dituzte taldeek. Bigarren fasea, final handiaren eguna da: urtarrilaren 28an izango da Donostiako Ekogunea parkean, eta lehen fasean puntu gehien lortu dituzten lau taldeak lehiatuko dira.

Temas

Recibe nuestras newsletters en tu email

Apúntate