Diario Vasco

Zuhaitz genealogikoa egiten ikasteko ikastaroa

  • Euskadiko Artxibo Historikoak eskainiko du, larunbat honentantxe hasita, eta lau saio izango ditu

Euskadiko Artxibo Historikoak genealogian interesa duen ororentzako ikastaroa antolatu du urrian eta azaroan, 'Genealogiak ikertu eta eraiki Euskadin' izenburupean. 16 orduko ikastaroa izango da, eta klaseak goizez emango dira, urriaren 15ean eta 29an, eta azaroaren 12an eta 26an. Mendetan atzera egin eta euren zuhaitz genealogikoa osatu nahi duten guztiei zuzendua izanik, datu bila nora jo, artxiboetan gorderik dagoen informazio hori guztia nola erabili edo nola kudeatu irakastea da ikastaroaren helburua.

Eusko Jaurlaritzako Hezkuntza, Hizkuntza Politika eta Kultura Sailak adierazi duenez, azken 30 urteetan ikerketa genealogikoa gizartean gehien hedatu den kultur praktiketako bat bihurtu da gure inguruan. Euskadiko artxiboek Interneten informazio kopuru oso handia jarri dute, genealogia aldetik interesgarria, baina prestakuntza programak garatzea falta da komunitate ugari horrek informazio hori errazago erabili ahal izateko.

Zuhaitz genealogikoa egiteak ikerketa eskatzen du, eta horretarako beharrezkoa da iturri dokumentalak eskuragarri izatea. Kolektibo hau urte hauetan artxiboko dokumentuen informazio kontsumitzaile nagusi bihurtu da.

Testuinguru horretan, eta komunitate horri erremintak nahiz behar adina ezagutza emateko asmoz, Euskadiko Artxibo Historikoak ikastaroa antolatu du Antzinako elkartearekin elkarlanean, dokumentu funtsa eskuera eta erabilgarri izan dezaten. Saioak artxiboaren egoitzan izango dira, Bilbon, urriaren 15 eta 29an, eta azaroaren 12 eta 26an. Ikastaroa doakoa da, plazak bete arte.

Temas

Recibe nuestras newsletters en tu email

Apúntate