Diario Vasco

Bertako baserritarren barazkien aldeko apustua

Toki berezia dute saltokietan bertako produktuek.
Toki berezia dute saltokietan bertako produktuek.
  • Eusko Label Eroski Natur markarekin hasi dira saltzen 63 nekazarien produktuak

Gero eta gehiago dira bertakoaren aldeko apustua egiten duten berezoak, eta hainbat saltoki ere ari dira joera horretara biltzen. Esate baterako, Eroski kooperatiba. Ohar baten bidez zabaldu duenez, %25 handitu du EAEko tokiko barazkien erosketa, eta aurreikusten du 3,3 milioi euri baino gehiago bideratuko dituena Eroski Natur markarekin salduko dituen Eusko Label izendapeneko urazak, tomateak eta Gernikako AGB piperrak erostera, baita Euskal Baserri pipermin freskoak erostera ere.

«Eroski duela gutxi hasi da EAEn ekoitzitako barazkiak saltzen Eusko Label Eroski Natur markarekin. Hitzarmen horretan, 63 euskal ekoizlek hartzen dute parte, eta horien artean, familien ustiategi txikiak ere badaude. Hala, Eroskik harago eraman du bere apustua, alegia, oso ekoizpen-ehun dibertsifikatua duen lehen sektore iraunkorra egituratzen laguntzea», dio oharrak.

«Eroski Natur markan, euskal ekoizleen tomateak, urazak, Gernikako AGB piper berdeak eta pipermin freskoak sartu ditugu. Euskal Baserri kalitate-zigilua dute piperminek, eta beste barazkiek, Eusko Label kalitate-zigilua. Hitzarmen hau egonkorra eta iraunkorra da, eta hurrengo kanpainetan ere garatu egingo dugu. Gainera, nekazaritzako elikagaien sektore iraunkorra bultzatzeko aukera ematen du, eta aurrerapena da produktu freskotan espezializatzeko apustuan», zehaztu du Eroskiren tokiko produktuetarako zuzendari komertzialak, Asun Bastidak.

Eusko Label eta Euskal Baserri zigiluetan, zenbait nekazari ziurtatuk hartzen dute parte, eta kalitatea eta jatorria bermatzen dituzten zigilu horien pean ekoizten dute. Horretarako, elikagaiak Euskal Autonomia Erkidegoan ekoitzi behar dira eta bete egin behar dituzte ziurtapen horien erregelamenduko baldintzak. Hazi Fundazioak kudeatzen ditu ziurtapenak.

Une honetan, 2.000 euskal hornitzailerekin baino gehiagorekin ari da Eroski lanean, eta 600 milioi euro baino gehiagoren erosketak egiten dizkie urtean. Denetariko sektorean sartzen dira sare zabal horretan: arrantza, abeltzaintza, hegaztizaintza, sargardo eta txakolina, Idiazabal jatorrizko izendapeneko artzain-gazta…

«Ekoizleak merkatutik gertu daudenez, heltze-unerik aproposenean bildutako elikagaiak beti iristen dira fresko saltokietara. Beraz, kontsumitzaileek tokiko produktuak dastatu ditzakete, jatorri ezaguna dutenak eta ustiapen-eredu iraunkorren arabera ekoitzi direnak», nabarmendu du Asun Bastidak.

Ana Eizagirre Aizarnazabalgo (Gipuzkoa) Aitzeta nekazaritza-ustiategiko jabekide da, eta hark dioenez, «lehen sektorearentzat, estrategikoa da une honetan Eroskik tokiko produktuen alde egin duen apustua, eta bereziki aipatzekoa da kalitate-ziurtapena duten elikagaiak bereizteko eta balioan jartzeko interesa».

Eroskiren, Eusko Labelen, Euskal Baserriren eta ekoizleen arteko hitzarmena Zurekin eredu komertzialaren barruan dago. Eredu horren bidez, Eroski dendak zabaldu egin dira inguruan ekoitzitako elikagaiak saltzeko, eta horren ondorioz, lehen sektore iraunkorra sustatzen da eta ekoizpen-ehun dibertsifikatuari eusten zaio.

Temas

Recibe nuestras newsletters en tu email

Apúntate