Mosaiko bat bolondresen lana eskertzeko

'Egiazko aldaketa nahi baduzu ibili zaitez bide desberdinetatik', 'Boluntariotza ezer espero gabe laguntzea da' edo 'Mila esker zuen denbora eskaintzeagatik' bezalako esaldiak idatzi ditu jendeak baldosetan. Tarteka euria egin duen arren, Sareginez-ek antolatutako ekimena arratsaldeko ordubiak arte luzatu da.

Helburua ez da ahalik eta mosaiko handiena egitea, bolondresek egiten duten lana goraipatzea eta ikusgai egitea baizik, adierazi du Miren Gurrutxagak, bolondresa eta Gizaldeko kidea. Bere iritziz, bolondresen lana eskertzekoa eta beharrezkoa da, baina hala ere, pertsona horien lanak profesionalena ez duela ordezkatu behar defendatu du.

Sareginez interes orokor eta sozialeko programak aurrera eramaten dituzten bolondresak dituzten elkartez osatutako sarea da, besteak beste, Rais-Euskadi, Cáritas edo Atzegi bezalako erakundez osatutakoa.