Diario Vasco

21,4 milioi euro mobilizatuko dituzte GAIAko enpresek 17 ekimen estrategikoetan

  • Azken hiru urteetan, 340 milioi euroraino igo da klusterreko enpresen fakturazioa, nahiz eta 13 desagertu diren, eta behera egin duen I+G arloko inbertsioak

Elektronikaren, informatikaren, telekomunikazioen eta bideo-jokoen arloko enpresak biltzen dituen GAIA klusterrak '2017-2020 Plana-Geroa Gaur' dokumentua aurkeztu du asteazken honetan, bertan jaso dituztenarik euren asmo nagusiak, honakoa azpimarratuz: «Herri garatuetan lehiakortasuna eta aberastasuna garatzeko eszenatokian ezinbestean kokatu behar da digitalizazioak arlo guztietan eskaintzen dituen aukerak baliatu beharra».

Jose Echezarra GAIAko presidenteak esan duenez, «geure gizartearen gaur egungo eta etorkizuneko erreferentzia-markoa eraldaketa teknologikoa da. Eragile publiko eta pribatuek eskuz esku lan egin behar dute desafio honek eskatzen dizkigun desafioen mailan egongo bagara: sektore produktiboen garapena, hiritar zerbitzuen egokitzapena eta pertsonen prestakuntza lan partekatuaren emaitzak izango dira. Honen aurrean, GAIA Klusterreko TEIK enpresek bat egin dute beren ikuspegia eta anbizioak lerrokatzeko, eraldaketa honetan ekarpen singular eta bereizgarria egiteko».

Planaren beraren zenbakiei erreparatzen ikusten da anbizio hori. Hain zuzen er3, 21,4 milioi euro mobilizatuko dira 17 ekimen estrategiko garatzeko identifikatu diren aukera espazioetan. Denak ere joera sozial eta teknologikoen ingurumarian kokatze dira: talentu berriaren demanda. Planak emandako datuen arabera, 2017-2020 epe honetan 18.000 milioi euroko inbertsioa gertatuko da maila lokalean, eta mundu mailan 30 bilioikoa izan daiteke.

Jarduera-lerro eta ekumen estrategikoak zehazteaz gain, gogoratu dute sektore ari zaiola buelta ematen krisialdiaren eraginari. Hala, 2013-2016 aldiak aldagaien gehienek onera egin dute. Falturazioa igo da 340 milioi euroraino, eta igo dira lanpostuak (640 profesional biltzen ditu sektoreak) zen nazioarteratzea. Behera egin du, ordea, enpresa kopuruak, 13 galdu baitira hiru horte horietan, eta I+G arloan ere handia izan da beherakada, %3,4koa, 4 milioi eurotan murriztu baita aipatu epea eremu horretara bideratutako dirutza.

Temas

Recibe nuestras newsletters en tu email

Apúntate