Diario Vasco

Mexikorekin harremanak hobetzeko ekimena

Ainhoa Aizpuruk gidatu zuen euskal enpresen eta Mexikoko enpresen artean egindako bilera.
Ainhoa Aizpuruk gidatu zuen euskal enpresen eta Mexikoko enpresen artean egindako bilera. / GFA
  • Foru Aldundiko ordezkariak herrialde hartan euskal jatorria duten enpresaburuek sortutako EmpreBask elkartearekin bildu dira

Gipuzkoako enpresek Mexikon izan ditzaketen aukerak hobetzeko asmoz, herrialde hartako euskal jatorriko enpresaburuek sortutako EmpreBask elkartearekin bildu berri dira Foru Aldundiko ordezkariak Mexiko hirian. Ainhoa Aizpuruk gidatu zuen euskal enpresen eta Mexikoko enpresen artean egindako bilera, lankidetza esparruak zehazteko eta lurraldearentzat negozio aukera berriak bilatzeko

Saioan harremanak estutu zituzten Mexikorekin enpresen arteko hartu-emanak errazteko helburuarekin. «Oso herrialde erakargarria da Gipuzkoarentzako, eta Amerikar kontinentera egiten ditugun esportazioen sarrera ate bilakatu da», nabarmendu zuen foru arduradunak, hori dela eta agertoki honetan «ateak irekitzearen» garrantzia azpimarratuz.

Foru diputatuarekin batera, eta Foru Aldundiaren ordezkari gisa, bileran izan ziren Antton Tomasena, Sustapen Ekonomikorako zuzendaria eta Iker Goiri Kanpo Ekintzarako zuzendaria; Gipuzkoako ordezkaritzan Gipuzkoako Ganberako ordezkariak ere joan dira Mexikora. Emprebask-en aldetik berriz, zuzendaritza batzorde osoa izan zen bileran. EmpreBask elkarte pribatua da, irabazi asmorik gabekoa, Mexikoko euskal enpresari eta enpresek eta mexikarrek osatua, eta bere helburua Mexiko eta Euskadiren arteko harreman komertzialak erraztea da. Foru Aldundiak bilera honetarako jarritako helburua Emprebask Mexikoren egitekoen eta jardueren berri izatea zen, Mexikon dituen programa eta garapen asmoen berri izatea lankidetza esparruak zehazteko eta Gipuzkoako enpresentzat onuragarriak izango diren aukera berriak bilatzeko.

Erakunde eta enpresa misio hau Gipuzkoako Foru Aldundiaren Ekonomia Biziberritzeko Planaren barruan sartzen da, Mexiko «helburu herrialdetzat» jotzen du gure enpresen nazioartekotzean laguntzeko. MMEaren (Munduko Merkataritza Erakundea) arabera Mexiko munduko hamabosgarren esportatzailerik eta hamalaugarren inportatzailerik handiena da. Desoreka makroekonomiko handirik gabeko herrialdea da, hazkunde ekonomiko jasangarria duena, kaudimen finantzarioa eta oreka makroekonomiko nagusietan jokabide ona.

Temas

Recibe nuestras newsletters en tu email

Apúntate