Diario Vasco

EAEko 14 enpresa Txinara doaz

Txinara joango dira lehendik dituzten merkataritza harremanak sendotzeko.
Txinara joango dira lehendik dituzten merkataritza harremanak sendotzeko. / FOTOLIA
  • Datorren astean bidaia komertziala egingo dute

Gipuzkoako Bazkundeak merkataritza bidaia antolatu du Txinara, Arabako eta Bilboko merkataritza ganberekin batera eta Eusko Jaurlaritzako Ekonomia Garapen eta Lehiakortasun Sailaren laguntzarekin, irailaren 19tik 23ra bitartea. Euskal Autonomia Erkidegoko (EAE) 14 enpresek parte hartuko dute, zehazki, bost gipuzkoarrek, zazpi bizkaitarrek eta bi arabarrek. Misio komertziala osatzen duten enpresak Txinara joango dira lehendik dituzten merkataritza harremanak sendotzeko.

Gipuzkoako merkataritza erakundeak jakinarazi duenez, Txina munduko bigarren ekonomia da AEBen atzetik, eta une honetan «egoera aldrebesatuak eta tensio finantzieroak» bizi arren, Asiako %69ko BPG izaten jarraitzen du, Japonia kontuan hartu gabe. 2015. urtean, BPG erreala urte arteko %6,9 hazi zen (%7,3 2014ean), Txinak azken 25 urteetan izan duen hazkunde tasarik baxuena, nahiz eta helburu ofizialen %7aren barne egon.

NDF eta ELGE erakundeek 2016 eta 2017rako egin dituzten aurreikuspenek hazkundearen mailakako jaitsiera berresten dute, %6,5ean eta %6,2an finkatuz, hurrenez hurren. Moteltze hau 2013. urtetik hazkunde eredua aldatzeko egiten ari diren egiturazko berrikuntzen ondorioa da.

2016ko bigarren hiruhilekoan, Txinako ekonomia urte arteko %6,7 hazi zen, helburu ofizialen barne geratuz (%6,5etik %7ra). Hazkunde hau industria produkzioaren igoera handiago batengatik eta kontsumoaren eta inbertsio pribatuen jokaera egonkorrago batengatik sustatu da, eta honek guztiak Euskadiko enpresen salmentetan oihartzuna izan du.

EAEtik Txinara egindako esportazioak «modu garrantsitsuan» ari dira suspertzen aurten, Arabako automobilgintzako esportazioek eta Gipuzkoako ekipamenduko ondasunen esportazioek izan duten hobekuntzari esker ere. Horrek guztiak EAEtik Txinara egindako esportazioen %18,3ko igoera ekarri du 2016ko lehenengo bost hilabeteetan, 2015eko esportazioekin konparatuz.

Temas