Diario Vasco

Aralarko santutegian egun handia dute bihar

Mikel Duanaren eguna Aralarko santutegian, 2015ean.
Mikel Duanaren eguna Aralarko santutegian, 2015ean. / E.B
  • Ostegun honetan ehunka eliz gizon eta emakumek bat egingo dute Nafarroako jainkotegi berezian

Mikel Deunaren eguna dela eta, ostegun honetan Aralarko santutegian egun handia izango da. Ehunka eliz gizon eta emakumek bat egingo dute egunean zehar Nafarroako santutegi berezian. Mezak goizeko 9:00etan hasiko dira. Bigarrena, 10:00etan izango da eta 11:00etan, hurrengoa. Eguerdiko 12:30ean izango da Meza Nagusia eta Iruñeako Gaudeamus taldea arituko da bertan kantuan. Talde nafarrak kantu gregorianoak eskainiko ditu elizkizunean zehar. Arratsaldeko 5:00etan ere izango den mezan Aralarko santutegian, berriz doinu gregorianoak entzuteko aukera egongo da.

Ohitura zaharrak betez, bertaratzen diren Mikel Goiangeruaren fidelek Euskal Herriko zaindariaren babesa jasoko dute. Gainera, Goniko Teodosioren kateak gorputzean pasaz hezur minak kentzeko laguntza eskatuko diete eta herensugearen zuloan burua sartuz, honen gorabeherak.

Gero, inguruan bazkaldu eta zeinek daki Baraibarko jaietan dantzaldi batzuk egiteko aprobetxatuko dute Mikel Deunaren eguna handia primeran amaituz Goiangeruaren lagunek.

Temas