Diario Vasco

pilota

Irribarria-Altuna neurketarako 600 sarrera saldu dituzte dagoeneko

  • Aramarraren zaleek 50 inguru eskatu dituzte eta amezketarrarenek, 70 bat

Iker Irribarriak eta Jokin Altunak igandean Atano III.a frontoian jokatuko duten Lau t'erdi barruko txapelketako neurketak badirudi pilotazaleek mugituko dituela. Hiru egun falta dira oraindik eta dagoeneko 600 sarrera eskaera jaso ditu Aspek, jaialdiaren ardura duen enpresak. Eskaeren artean buruz buruko txapeldunaren zaleek 50 inguru hartuko dituzte. Amezketarraren jarraitzaileek, bestalde, 70 bat. Horiez gain beste batzuk ere joango dira Donostiara.

Gaur arratsaldean iganderako pilotak aukeratu dituzte biek. Altunak nahiago izan ditu astunak, "behetik dabiltzanak". Irribarriak, bestalde, bote handiagokoak hartu ditu. Batak zein besteak ez diote inolako kexarik jarri Kepa Peñagarikano hautatzaileak egindako lanari.

Altunak zenbait jokaldi antolatu ditu eta Irribarriak, ondoren, partidaxka azkar bat jokatu du Elordirekin.

Recibe nuestras newsletters en tu email

Apúntate