Pilota
Altuna-Artola Promozio mailako finala Donostian jokatuko da
Neurketa larunbat arratsaldean izango da
JOSEBA LEZETA
Lunes, 17 de noviembre 2014, 15:56
Jokin Altunak eta Iñaki Artolak Donostiako Atano III.a pilotalekuan egingo diete aurre elkarri Lau t'erdi barruko Promozio Txapelketako finalean zapatu arratsaldean. Egutegiak astebete geroagorako zeukan iragarrita neurketa hau, baina bi pilotariek astebete aurreratzeko baiezkoa eman dute, asteburuko finalerdietan inolako minik eta arazorik gabe bukatu ondoren.
Bost hilabete ere ez dira amezketarra eta alegiarra profesional mailara igo zirenetik eta dagoeneko lehen finalean daude. Biak gipuzkoarrak direnez, enpresek Atano III.a aukeratu dute eta Gipuzkoako Pilota Federazioak lagun izango dute antolaketa lanetan.
