Leire Olaberriak eta Irene Usabiagak zilarrezko domina bana irabazi dute

Leire Olaberriak eta Irene Usabiagak zilarrezko domina bi irabazi dituzte Espainiako erlojupeko txapelketan, Cáceresen. Ikaztegietakoa elite mailako podiumera igo da Anna Sanchís txapeldunaren alboan. Ordiziakoa, berriz, 23 urtez azpikoen artean nabarmendu da. Sheyla Gutiérrez bakarrik sailkatu da bere aurretik.

Sanchís valentziarrak minutu bat eta 20 segundoko aldea atera dio Olaberriari. Ibilbideko 26 kilometroetan pedal kolpe bikaina erakutsi du irabazleak eta Ikaztegietako pistarda atzetik izan da erreferentzia guztietan. Gutiérrez errioxarra ere indartsu agertu da, Usabiaga 51 segundora utziz.