Asier Arregi andoaindarrak irabazi du Abadiñoko ziklo-krosa elite mailan

Saio bitxia izan da Abadiñokoa. Eliteak eta 23 urtepekoak elkarrekin irten dira eta gazteetako batek, Munduko Txapelketara joateko aukeratu duten Felipe Orts valentziarrak, hankapean ibili ditu besteak. Baina araudiak hala aginduta, eliteak baino itzuli bat gutxiato bete du Ortsek. Bere proba bukatu ondoren, Arregik, Díezek eta gainontzeko eliteek aurrera segi dute zirkituan. Díez erori eta istripuak bidea zabaldu dio Arregiri garaipena lortzeko. Neguko denboraldi honetan Legazpin ere nagusitu zen andoaindarra duela aste batzuk.

Mailaz mailako Abadiñoko irabazleak hauek dira: juniorretan, Josu Albizua; kadeteetan, Xabier Murias; master 30ean, Eduardo Jiménez; master 40an, Josu Isasi; eta master 50ean, José Lorenzo Esteban; emakume eliteetan, Eider Merino; junior nesketan, Enara López; eta neska kadeteetan, Luisa Ibarrola.