Txapelketa Nagusiko finalaurreko eta finalerako sarrerak, denen eskura

Urriaren 1ean Leitzan jokatu zen final laurdeneko irudia. / GARI GARAIALDE

Bertsozale Elkarteko bazkide ez diren bertsozaleek ere eros ditzakete aste honetatik aurrera

Bertsozale Elkarteko bazkide ez den bertsozaleek ere badute, astelehenaz geroztik, Bertsolari Txapelketa Nagusiko finalaurrekoetako eta finaleko sarrerak erosteko aukera. Orain arte, bazkideek izan dute bakarrik aukera hori, Sarrerez gain, finalerako autobusetarako eta bazkarirako txartelak ere salgai dira jada.

Bertsolari Txapelketa Nagusia aurkeztearekin batera jarri ziren salgai final laurdenetako saio guztietarako sarrerak. Finalaurrekoetako eta finaleko sarreren kasuan, berriz, Bertsozale Elkarteko bazkideek horiek eskuratzeko orduan lehentasuna izan dute. "Modu horretan, bazkideek bertsolaritzari urtero egiten dioten ezinbesteko ekarpena saritu nahi izan du Bertsozale Elkarteak", azaldu du beronek ohar baten bidez.

Ohi bezala, www.bertsosarrerak.eus atarian daude salgai txapelketako saio guztietako sarrerak. Gogoratu behar da finalaurrekoak urriaren 28an abiatuko direla, Bastidan, eta abenduaren 2an amaitu, Iruñeko Anaitasunan, hilaren 17an jokatuko den finalerako hamabost egunen faltan.

Finalaren kasuan, internetez gain, Euskal Herriko hainbat salmenta gunetan ere daude salgai. Salmenta gune horietan sarrera arruntak dira eros daitezkeenak, bazkideen eta gazteen sarrerak soilik internetez baitaude salgai. Salmenta guneen zerrenda hemen kontsulta dezakezu.

Ohi bezala, Bertsozale Elkarteko bazkideek prezio berezia izango dute saioetako sarreren prezioan. Era berean, gogoan hartu behar da saio guztietan aforoa mugatua dela.

Temas

Euskera

Fotos

Vídeos