Urrutikoetxea-Altuna III, azken lau urteetako finalik ikusiena

%25,0ko audientzia zatia izan zuen partidak, eta euskaldunen artean %43,9ko kuota lortu zuen

Lau t'erdiko txapelketako finalaren zuzeneko emanaldia igande arratsaldeko saiorik ikusiena izan zen, %25,0ko audientzia zatiarekin eta euskaldunen arteko %43,9ko kuotarekin. Jokin Altuna gipuzkoarra 21-22 emaitzarekin gailendu zitzaion Mikel Urrutikoetxea faborito nagusiari Bilboko Bizkaia pilotalekuan. Azkeneko lau urteetako finalik ikusiena izan zen eta 340.000 ikus-entzuleko audientzia metatua lortu zuen Euskadin eta eragin eremuan.

Bestalde, 'Herri Txiki, Infernu Handi', 'Oholtzan' eta 'Go!azen' saioek audientziaren harrera bikaina izan zuten asteburuan ETB1en.

Aipatzekoa da ostiraleko 'Go!azen' telesailaren emanaldiak gazteenen artean izan zuen arrakasta. Orotara, %4,8ko audientzia zatia eta euskaldunen %13,5eko kuota lortu zituen. Halaber, haur eta gaztetxoen artean audientzia-buru izan zen: 4-12 urte bitarteko haurren artean %46,2ko kuota bereganatu zuen, eta 13-18 urteko gazteen artean %33,5ko audientzia zatia.

Temas

Euskera

Contenido Patrocinado

Fotos

Vídeos