'Kënu' filma, 'Zinez' saioan

Alvarez Pastor zinegileak gidatuta, Leticia Dolera aktore ezaguna izango da pelikularen protagonista, Senegaleko arrantzale herri txiki batean girotutako film honetan

Asteazken honetan, ETB1eko 'Zinez' saioak Kënu filma eskainiko du. Alvarez Pastor zinegileak zuzendutako pelikula da eta aktore zerrenda Leticia Dolera, Lannick Gautry, Nicolas Merlin eta Ibrahim Mdabye aktoreek osatu dute.

Senegaleko arrantzale herri txiki batean, Mamadouk kontrolatzen du droga trafiko osoa. Bego, Espainiako neska gazte bat herrira joango da Gobernuz Kanpoko Erakunde batean lan egitera, baina heltzean, erakundearen osasun zerbitzua hutsik dagoela ikusiko du. Hala ere, edozer gauza egiteko gai izango da zerbitzu hori martxan egon dadin. Ahalegin horretan ordea, GKEaren interesek Mamadou boteretsuaren interesekin talka egingo dute. Toni, GKEaren kidea eta Leo, etorkin ilegal baten semea izango ditu Begok lagun, Mamadouren kontrako borroka horretan.

'Kënu' filma asteazken honetan izango da ikusgai 22:15etik aurrera ETB1en.

Temas

Euskera

Fotos

Vídeos