Jose Luis Rebordinosekin, Zinemaldiaz, 'EiTB Kultura Transit' saioan

Zinemaldiko zuzendaria da Rebordinos/EFE
Zinemaldiko zuzendaria da Rebordinos / EFE

Bere eguneroko lana erakusteaz gain, aurtengo edizioko egitaraua aletuko du

DVDonostia

Zinemaldia hasi bezperan, 'EiTB Kultura Transit' saioa Jose Luis Rebordinos zuzendariarekin bilduko da aste honetan. Bere eguneroko lana nolakoa den erakutsiko du. Orobat, aurtengo edizioko nobedade eta hitzordu garrantzitsuenak aletuko ditu.

Rebordinosek zazpigarren urtea du Zinemaldia zuzentzen. Lan neketsua izanagatik ere, eskaintza zabala eta osoa prestatzea du helburu, Donostia zinema munduan gertatzen denaren erakusleiho izan dadin. Film entretenigarri eta komertzialekin batera, proposamen berritzaileak eta urratzaileak ikusiko ditugu. Aurten, gainera, komediari tarte berezia eskainiko zaio.

Zinemaldiaren historian hirugarrenez, euskarazko film bat lehiatuko da Sail Ofizialean: Handia. Horrekin batera, beste hamahiru euskal ekoizpen proiektatuko dira sail ezberdinetan.

Aurten, berrikuntza modura, zenbait telesaila izango dira ikusgai Zinemaldiaren barruan, eta Donostia sariak ematerako orduan egon den ikuspuntu aldaketa ere nabarmendu behar da. Zinemaldira hurbilduko diren 175.000 ikus-entzuleak etxean bezala sentiaraztea da Rebordinosen helburua.

Aste honetako 'EiTB Kultura Transit'eko sortzaile protagonista ere Zinemalditik etorriko zaigu. Iñigo Garcia zumaiarrak bere lehen film luzea aurkeztuko du Zinemira sailean, Bi txirula. Pelikulako bi protagonistekin ere izango dira: Jon Elizalde eta Iker Hazas.

'EiTB Kultura Transit' ostegun gauean izango da ikusgai ETB1en eta ETB2n.

Temas

Euskera

Contenido Patrocinado

Fotos

Vídeos