Itziar Okariz artistaren azken erakusketa, 'EiTB Kultura Transit' saioan

Unai Pelayok duela hamar urte baino gehiago bakarka abiatu zuen Pelax proiektua ezagutzeko aukera ere izango da

Itziar Okariz artistak 'I never said Umbrella' erakusketa ireki berri du Tabakaleran. Bere ibilbideko lan historikoez gain, berriki sortutakoak ere biltzen ditu bertan. Bere lanaz, artea ulertzeko moduaz eta artelanen zentzuaz hitz egingo du aste honetako 'EiTB Kultura Transit' saioan.

Bestalde, Pelax proiektua ezagutzeko aukera izango da. Unai Pelayok duela hamar urte baino gehiago abiatu zuen proiektua bakarka. Gaur egun hiru disko ditu kalean, azkenekoa laukotean grabatua, Andoni Olaetxea, Iker Vazquez eta Iñigo Ozaetarekin batera. 'Talkak egiten du didaktika' kolpeen irakaspena aldarrikatzen duen rock & roll bizia da, zuzenekoetan indartu eta puzten dena. Taldekideen esanetan hori baita musikarien esentzia, zuzenekoa bera.

'EiTB Kultura Transit' aste honetan izango da ikusgai 22:30ean ETB1en.

Temas

Euskera

Contenido Patrocinado

Fotos

Vídeos