Eibar, igande honetako 'Herri City' saioan

Pagadi, Azitain auzoko elizan dagoen bizarrik gabeko kristoaren aurrean./EITB
Pagadi, Azitain auzoko elizan dagoen bizarrik gabeko kristoaren aurrean. / EITB

Zuhaitz, Pagadi eta Beñat Iturbe Eibarreko biztanleekin arituko dira herriko kontu eta bitxikeri guztiak ezagutzeko

Zuhaitzek Eibarko hiriaren bilakaera demografikoa aztertzen hasiko du eguna. Haran estu batean kokatutako hiria izaki, bertako eraikinak ahal bezala eraiki dira industrializazioaren garaitik hona. Amaña auzoa da Eibarko eraikuntza eta demografia bilakaera ulertzeko auzoetako bat. Juanito amañarrak azalduko dio garai bateko Amaña zelaiz osatuta zegoela, eta, etxebizitzak eraikitzeko premia zela-eta, hiria zeharkatzen duen Ego ibaia bera ere estali egin behar izan zutela.

Kontxaren eskutik, berriz, hirian ezkutatzen diren beste hainbat sekretu ezagutuko ditu Zuhaitzek. Sinestezina dirudien arren, Eibarren, garai batean, Benidorm bat izan zen. Ipurua auzoko hainbat bizilagun joan ohi ziren autopista ondoko zelai batera zer eta eguzkia hartzera. Eibar itsusia da? Kaiola itsusia da Eibar; baina barruko txoria kantaria da? dio Kontxak. Arrateko santutegira igota, bertako amabirjinari buruzko hainbat kontu ezagutuko ditu Zuhaitzek. Arrateko ama eibartarren zaindaria da. Idoia eta Miren ama-alabek sekulako debozioa diote. Ez da harritzekoa, bertako bizilagunen esanetan haurrak ez baitatoz Paristik, santutegitik bertatik baizik. Amañako kaleetara ostera ere bueltatuta, Goma ezagutuko du Zuhaitzek. Auzoan izugarri estimatua den pertsonaia, besteak beste, auzoko festak antolatzeko lanak hartzen dituelako urteko egun guztietan. Jaietarako finantzazioa lortzeko, Gomak, 30.000 zozketa txartel saltzen ditu urtero. Beharbada lan horren ondorioz dira Amañako festak Eibar osoaren mirabe.

Pagadik, aldiz, Eibarko misterioak arakatuz hasiko du eguna. Azitain auzoko elizan dagoen bizarrik gabeko kristoaz gain, hirian oso zabaldua den kondaira bat argitzen ahaleginduko da. Diotenez, Donostiako Santa Klara uhartea eibartarrena omen da. Iraganean donostiarrek izandako gerraren baten ondorioz, armak eskatu behar izan zizkieten armaginei, alegia, eibartarrei. Armen truke dirurik eman ezin zutela eta, donostiarrek Santa Klara uhartea eskaini omen zieten berme gisa. Hori baina ez da Pagadik Josuren eskutik jakingo duen bitxikeria bakarra. Patxirekin, aldiz, Eibarren Lambretta motorrek izandako iragana eta duten oraina ezagutuko du Pagadik. Motor marka italiarra izan arren, Lambretta etxeak Eibarren izan zuen bere lantegi nagusia. 500 enplegatu izatera iritsi zen fabrika. Gaur egun, Lambretta motorra dutenen kluba dago hirian eta urtean zehar ez dira falta ekitaldi kulturalak. Tarteka, gainera, ?moto-pote? ekintza egin ohi dute eta Pagadik bertan parte hartzeko aukera izango du.

Beñat Iturbek, bere partetik, hiritarren eskari aldrebesak jasoko ditu. Antza, eraikin gehiago, eskailera mekaniko gutxiago edota Su Ta Garren kontzertu gutxiago nahi dituzte eibartarrek. Bestalde, deep web delakoan aurkitutako hainbat alprojakeria ekarriko ditu Beñat Iturbe millenialak.

'Herri City' igande honetan izango da ikusgai ETB1en 22:00etatik aur

Temas

Euskera

Contenido Patrocinado

Fotos

Vídeos