Guggenheim Bilbao museoaren bost ikuspegi, 'EiTB Kultura Transit' saioan

Elena Setien musikaria./USOZ
Elena Setien musikaria. / USOZ

'Sortzaileak' atalean Elena Setien abeslari eta musikariaren lana ezagutuko dugu

Guggenheim Bilbao Museoaren hogeigarren urteurreneko ospakizunekin bat eginez, aste honetako 'EiTB Kultura Transit' saioak museoaren momenturik garrantzitsuenak gogoratuko ditu. Hirian izan duen eragina aztertu eta arte garaikidea herritarrengana hurbiltzeko egindako lana azalduko du. Gainera, museoaren etorkizunera begira jarriko da aste honetako saioa.

Horretarako, museoarekin harreman berezia duten bost pertsona elkarrizketatuko ditu: Xabier Salaberria eta Zaloa Ipiña artistak, Manu eta Irati Gañán Museoaren Lagunak eta ohiko bisitariak, eta Lucía Agirre museoko curator-a.

Sortzaileak atala Elena Setien abeslari eta musikariari eskainiko dio aste honetan 'EiTB Kultura Transit' saioak. Elenak ia 20 urte daramatza atzerrian bizitzen, eta biolinaz eta pianoaz lagunduta ibilbide luzea jorratu du.

Bere jaioterrira, Donostiara itzuli eta bertan sortu du bere bigarren bakarkako lana: Dreaming of earthly things. Hirugarren albumarekin ari da orain lanean, eta bertako bi abesti jo ditu zuzenean.

Esperimentazioaz, jazz-az, eta musika sortzeko prozesuaz aritu dira, besteak beste.

'EiTB Kultura Transit' ostegunetan izaten da ikusgai, ETB1en (23:20), ETB2n (00:45) eta eitb.eus-en.

Temas

Euskera

Fotos

Vídeos