'Go!azen'en azken atala, saioren historiako ikusiena

Telesailak datu bikainak lortu ditu denboraldi honetan, gaztetxoen artean audientzia buru bilakatuz

'Go!azen' denboraldiaren azken atalaren emanaldiak audientzia datu historikoak lortu zituen. Inoizko atalik ikusiena izan zen %9,2ko audientzia zatia bereganatuz eta euskaldunen artean nagusi izan zen %21,8ko kuotarekin. Gaztetxoen artean, halaber, audientzia- buru izan zen: 4-12 urte bitarteko haurren artean %38,5eko kuota lortu zuen eta 13-18 urteko gaztetxoen artean ordea, %45,7koa. Emanaldian zehar, 135.000 ikus-entzulek bat egin zuten saioarekin Euskadin eta eragin eremuan.

Halaber, 'Go!azen' telesailak datu bikainak izan ditu azken denboraldi honetan: %5,8ko audientzia zatia eta euskaldunen arteko %15,6ko kuota lortu ditu. Basakabiko abenturek gainera gaztetxoen arteko lidergoari eutsi diote denboraldi osoan zehar, 4-12 urte bitarteko gazteen artean %43,2ko kuota lortuz eta 13-18 urte bitartekoen artean, %14,3koa.

'Go!azen'en denboraldia amaitu eta hurrengo bi asteetan, ostiraletan, telesailaren inguruko bi saio berezi eskainiko ditu ETB1ek ordu berean. Horrez gain, otsailaren 21ean, 'Bago!az' talent showaren estreinaldia aurreikusita dago.

Temas

Euskera

Contenido Patrocinado

Fotos

Vídeos