'Go!azen Basakabira' saioan sukaldari berria ezagutuko da gaur

Epaileek ez dute lan erraza.../
Epaileek ez dute lan erraza...

Beñat Larruket, Oihan Astigarraga eta Asier Oruesagasti aktoreen castingak erakutsiko dituzte

Ostiral honetan 'Go!azen Basakabira' saioan Martin Basakabiko sukaldari berriaren pertsonaiaren papera lortzeko hiru hautagai finalisten probak erakutsiko dituzte. Martin xelebre eta baldar baten bila ibili dira Euskal Herrian zehar eta hiru gazte iritsi dira finalera: Beñat Larrukert, Oihan Astigarraga eta Asier Oruesagasti. Ostiraleko saioan argituko da nork lortuko duen pertsonaia hezurmamitzea.

'Go!azen Basakabira' saioak udaberrian egindako castingeko partaideen probak, entseguak, emozioak, pozak eta etsipen uneak bilduko ditu. 'Go!azen'eko lau protagonista berriak aukeratzeko bi deialdi egin ziren. Hortik, pertsonaia bakoitzerako hiru hautagai onenak aukeratu zituzten.

Ainhoa Aierbe 'Go!azen'eko aktore zuzendaria, Ylenia Baglietto koreografo eta aktorea, eta Alex Sardui musikaria arduratu dira 'Go!azen' saioan aktore izateko probetara aurkeztu diren hautagaiak aztertzeaz. 'Go!azen'eko aktoregaiok iazko denboraldiko protagonistekin ere egongo dira harremanetan.

Halaber, pertsonaia bat izatea lortuko duen aktorea nor den jakin ondoren, honek telesailaren produkzio aurreko sekretuak kontatu eta Basakabiko lehen egunean bizitakoak azalduko ditu.

'Go!azen Basakabira' ostiralean 21:00etan eskainiko da ETB1en eta eitb.eus-en.

Temas

Euskera

Fotos

Vídeos