'Fake News' umore saio berezia, ETB1en eta ETB2n

Maria Amolategi aurkezleak, Mikel Bermejo, Alazne Etxeberria, Mitxel Santamarina eta Inma Fernandez kolaboratzaileekin batera, asteko albisterik dibertigarrienak errepasatuko ditu

Ostegun honetan, urtarrilak 18, Euskal Telebistak umorea eta aktulitatea bat egingo dituen 'Fake News' saio berezia eskainiko du, 19:30ean ETB1en eta 22:30ean ETB2n. Saioak asteko albiste dibertigarrienekin rankinga egingo du eta landuko dituen gaien artean ez dira faltako Donald Trump edo Katalunia.

Maria Amolategi aurkezleak Mikel Bermejo, Alazne Etxeberria, Mitxel Santamarina eta Inma Fernandez kolaboratzaileak izango ditu lagun. Denen artean, rankineko gai ezberdinen inguruko memeak, bideoak eta esketxak aurkeztuko dituzte.

Rankingaren kanpoko atalak ere izango dira ikusgai, besteak beste, NO-ticias, inoiz gertatuko ez diren albisteen berri emango duen atala, edo tontunAPP, ezertarako balio ez duten mobilerako app-ak aurkeztuko dituen atala.

Temas

Euskera

Contenido Patrocinado

Fotos

Vídeos