'Azken bidaia' dokumentala, ETB1eko 'Zinez' saioan

Artxiboko argazkian, dokumentalaren filmanetaren argazki bat. / A.d.C.

Irune Telleriak eta Enara Goikoetxeak zuzendu zuten zintak Comète sarea Bigarren Mundu Gerran pilotu aliatuei muga pasatzen lagundu zien erakundea du ardatz

Ostegun honetan, 22:15etik aurrera, Azken bidaia dokumentala izango da ikusgai ETB1en, 'Zinez' saioaren barnean. Zinta hau Irune Telleriak eta Enara Goikoetxeak zuzendu zuten eta Moztu Filmak, Offworld (Belgika) eta Amo Films (Frantzia) produkzio-etxeen lana da. EiTBren partaidetza ere izan zuen.

Dokumentalak Comète sarea Bigarren Mundu Gerran pilotu aliatuei muga pasatzen lagundu zien erakundea du ardatz. Azken bidaia lanak zorigaiztoko gau batean gertatutakoa kontatuko du. Orain dela 60 urte baino gehiago, sei pertsona atxilotu zituzten Pirinioetatik gertu dagoen baserri batean. Pertsona hauetako bakoitzaren istorioak eta Bigarren Mundu Gerran Comète ihesbide sarea osatu zuten ehunka pertsonaren istorioa ere islatzen du. Beldurra nagusi izan zen garaian, Belgikan, Frantzian eta Espainian zehar zabaldu zen gizatalde horren kemena. Dokumentala izan arren, fikzioko elementuak ere erabiltzen ditu lanak.

Azken bidaia dokumentala, ostegunean, 22:15ean, ETB1en.

Temas

Euskera

Fotos

Vídeos