Diario Vasco

Sexu loraldia hizpide

Sexu loraldia hizpide
  • Sexu harremanen bilakaeraz mintzatuko dira 'Ur Handitan' saioan

Astearte honetan, 'Ur Handitan' saioaren hamaikagarren atalean, udaberriarekin batera, 'Sexuaren udaberria' izenburu pean sexu harremanen bilakaeren inguruan mintzatuko dira.

Kontxi Martinez de Icayak duela hogei urte izena eman zuen egunkarietako kontaktu orrialde batean. Sare sozialen iraultza hasi zenean, txaten munduan murgildu zen eta hamaika zita izan ditu orain arte. 48 urteko gasteiztarrak bere esperientzia luzea kontatuko du.

Aitor Marañonek 24 urte ditu. Bere lehen bikotea app batean ezagutu zuen. Horrez gain, bizi izandako esperientzia sexual ezberdinak azalduko dizkigu; trioak, saunak edota dominazio egoerak. Lagun gehienek bikotea izanik, jolas moduan hasi zen Arianne Rodriguez gernikarra ligatzeko aplikazio hauetan nabigatzen. Ordutik, bi urte inguru pasa dira eta 40 bat zita izan ditu.

Cruising-ak zertan datzan ulertze aldera, Artxanda ingurura hurbilduko da Xabier Madariaga Juanjo Olasagarrerekin batera, argitaratzear duen nobelaren abiapuntura. Bertan, ezezagunekin sexu harreman bizkorrak nola eman daitezkeen ikusi eta bere bizipenak kontatuko ditu.

Ibonel eta Elenak, sare sozialak harreman azkarrak izateko soilik ez direla erakutsiko dute. Bata Donostiakoa eta bestea Badajozekoa, sarean ezagutu zuten elkar eta aurten ezkonduko dira.

Ligatzeko sare sozial hauek mundu mailakoak izan arren, euskaraz ligatzeko aukera ere badago. Iñigo Arandiak 2007an sortu zuen Kaixomaitia.eus webgunea. Erabiltzaile euskaldunak ligatzeko kontuetan nolakoak diren azalduko du. Sexologia klase batera ere gerturako dira, 18 urte inguruko gazteek sexuaz eta harremanak izateko era berriez zer pentsatzen duten jakiteko asmoz.

Sexuak dituen arriskuak oso presente ditu Joseba Errekaldek, 25 urterekin jakin zuen GIB birusaz kutsatuta zegoela. Josebak, Xabier Madariaga farmazia batera lagunduko du berak ere HIESaren proba egin dezan. 'Ur Handitan' astearte honetan dago ikusgai 22:20etik aurrera ETB1en.

Temas

Recibe nuestras newsletters en tu email

Apúntate