Diario Vasco

Sexu-abusuak Elizan, 'Ur Handitan' saioan

Sexu-abusuak Elizan, 'Ur Handitan' saioan
  • Xabier Madariagak aurkeztuta, sexu-abusu kasu ezberdinen berri emango du saioak, eta Elizak gaiari aurre egiteko hartzen dituen neurriak aztertuko ditu

Euskal Herrian hautsak harrotu dituen auzi bati helduko dio astearte gau honetan ETB1eko 'Ur handitan' saioak. Honakoa dio ETBk saioa aurkezteko zabaldu duen oharrean: «'Euskal Herrian ez dugu Elizaren sexu-abusu kasurik ezagutzen', esan zuen Juan Kruz Mendizabal Donostiako bikario ohiak Gabonen atarian emandako elkarrizketa batean. Bi hilabete geroago, ordea, bere kontrako hiru sexu-abusu salaketa tarteko, monasterio batean zigortuta bizi da Donostiako Elizbarrutiak kargutik kendu eta gero».

Joxe Arregi frantziskotar ohiaren ahotik, Mendizabal gaur egun nola dagoen jakingo dute eta, halaber, Mendizabalekin udalekuetan ibilitako hiru gaztek eta bere kontrako salaketa jarri duen gazte baten lagunek haien esperientzia pertsonala kontatuko dute.

Eliza eta sexu-abusuak lotzen dituzten kasuak, ordea, ez dira gaur egungoak bakarrik. Ana Morales bilbotarra 11 urteekin izan zen abusu horien biktima, eta 37 urte geroago, kamera aurrean kontatzea erabaki du. Lehen pertsonan kontaturiko testimonio gogorra da berea.

Horrez gain, beste galdera bat erantzuten ahaleginduko da 'Ur Handitan' saioa: Elizak sexu-abusuen gaiari aurre egiteko behar bezalako neurriak hartu al ditu? Jose Luis Morras-Etayo epaile eklesiastikoak eta Pablo Ruiz de Cerro abokatuak haien iritzia emango dute.

Azkenik, Ziortza Karranza sexologoak zelibatuak Elizako kideengan zein ondorio izan ditzakeen azalduko du.

'Ur Handitan' astearte honetan emitituko da 22:15etik aurrera ETB1en.

Temas

Recibe nuestras newsletters en tu email

Apúntate