Diario Vasco

Abian da 'Bago!az' saiorako castinga

Hautagaietako bat Donostiako probetan.
Hautagaietako bat Donostiako probetan. / ETB
  • Ostagun honetan Donostian egin dituzte 'talent show' berrirako hautagaiak aukeratzeko probak, eta ostiralean Bilbon egingo dituzte

'Bago!az' ETB1eko talent show berrirako castinga abian da Miramonen, eta bihar Bilboko EiTBren egoitzan egingo da. Oraindik, gainera, zabalik daude harrera ezin hobea izaten ari den saio berrirako hautagaiak aukeratzeko proba hauek.

'Bago!az' otsailaren 23an estreinatuko da ETB1en, eta talent show honen irabazleak ostiralero ikusgai daukagun 'Go!azen' telesail arrakastatsuaren hurrengo denboraldian parte hartzeko txartela irabaziko du.

Hamabi lehiakide ariko dira nor baino nor gehiago: sei neska eta sei mutil, epai-mahai baten aurrean. Elkar lehian arituko dira partaide hauek eszenatokian, eta bakoitzak ospetsu bat izango du bikotekide. Partaide bakoitza ospetsu hauetako batekin igoko da abestera. Pausokak eta ETBk ekoiztuko saio berriaren zuzendaria Jabi Elortegi izango da.

'Bago!az'eko hautagai probetan parte hartzeko, bideo bat grabatu behar da nork bere burua aurkeztuz eta abestuz. Bideo hori  eitb.eus/goazen atarira igo behar da, bertan dagoen formularioaren bidez. 16 urtetik gorakoek parte har dezakete.

Bien bitartean, 'Go!azen'ek aurrrera jarraitzen du, telesailaren emisioaz gain, antzerki eta musika emanaldiak Euskal Herrian zehar eskaintzen.

Ostiral honetan, 21:00etan eskainiko da zortzigarren atala. Bertan Elene erabat minduta dago Haizearekin, hau Mikelekin dabilelako. Mutil-laguna lapurtzeaz eta gezurra esateaz salatu du ahizpa bikia eta mendekua hartzeko modua aurkituko du oraingoan: Zuzeni emango dio harremanaren berri, ahizpak min hartzeko beldur dela gaineratuz.

Bien bitartean, Irati eta Peio irakasleak hobeto konpontzen dira elkarrekin eta bien artean zerbait berezia sortzen ari dela ematen du. Horrela bada, elkarrekin afaltzeko geldituko dira, baina ezusteko baten ondorioz, Peiok ezingo du zitara azaldu.

Izan ere, Inaxio Zuzenen perikitoa hil egingo da. Anek berak hil duela pentsatuko du eta Peiori laguntza eskatuko dio. Eta nahaste borraste ederra sortuko da Ane, Peio, Begoña eta Zuzenen artean!

Urtarrilaren 27an eskainiko da, hain zuzen ere, ETB1en denboraldi honen amaierako azken atal berezi eta emozioz betea.

Temas

Recibe nuestras newsletters en tu email

Apúntate