Diario Vasco

'Ur Handitan' saioa estreinatuko du asteartean ETB1ek

Xabier Madariagak aurkeztuko du saioa.
Xabier Madariagak aurkeztuko du saioa. / ETB
  • Gizartean interesa eta kezka sortzen duten gaiak aztertuko ditu erreportaje saioak. Lehenengo atalean, transexualitateaz arituko dira

Astearte hpnetan, urtarrilak 10, ETB1ek 'Ur Handitan' saioko erreportaje sorta berria estreinatuko du. Xabier Madariagak aurkeztuko du astero erreportaje saioa. Gizartean interesa eta kezka pizten duten gaiak mahai gainean jarri eta zuzeneko lekuko eta aditu ezberdinen iritziak jasoko ditu saioak. Astero, gai ezberdin bat sakonean aztertuko dute, eta horretarako, gai bakoitzean erreferentziako pertsonak eta protagonistak gertutik ezagutuko dituzte, euren herri, lantoki, edota etxeetara hurbilduz.

Lehenengo saioan, transexualitatea izango dute hizpide; haurren transexualitatea, hain zuzen ere. Izaera sexuala betidanik genitalekin lotu izan den arren, 'Ur Handitan' saioan zehar ikusiko dugu zenbait pertsonen errealitatea ez dela horrelakoa.

Iker izeneko hiru urteko haur transexual baten familiaren testigantza jasoko du Xabier Madariagak, eta bai umeak zein guraso eta senideek bizitako prozesua azalduko dute: umeak lehen aldiz mutila izan nahi zuela adierazi zuenetik, haren izena aldatzeraino.

Horrez gain, Mikele izeneko nerabearekin mintzatuko dira. Haren lagunek eta inguruak gaia nola bizi izan duten erakutsiko du Mikelek, eta, gainera, hormonizazio prozesuak zertan datzan azalduko du saioaren kameren aurrean.

Bi protagonista hauen kontakizunaz gain, transexualitatea modu traumatikoagoan bizi izan duten generazio helduagoen testigantzak jasoko ditu 'Ur Handitan' saioak. Gainera, ikuspegi orokorragoa emateko asmoarekin Aingeru Mayor Chrysallis haur transexualen familia eta senideen elkarteko presidentearekin izango dira.

'Ur Handitan' datorren asteartean, urtarrilak 10, itzuliko da ETB1era eta eitb.eus-era, 22:15etik aurrera.

Temas

Recibe nuestras newsletters en tu email

Apúntate