Diario Vasco

'Amama' filma Zinez saioan

'Amama' filmeko irudi bat.
'Amama' filmeko irudi bat. / DV
  • Bestalde, '3txulo'k Donostiako Kursaalen eta Iruñeko Baluarten eskainitako ikuskizunak emango ditu ETB1en asteazkenean eta ostegunean

Asteazken honetan, Fermin Etxegoienek aurkeztutako 'Zinez' tarteak 'Amama' pelikula estreinatuko du telebistan. Asier Altuna zinegilearen filmak Kandido Uranga, Iraia Elias, Ander Lipus eta Klara Badiola aktoreak hartzen ditu protagonista, eta bi munduren artean gatazkan dagoen familia baten istorioa azalduko du.

Jatorri bat, bi norabide. Baserria eta kalearen arteko gatazka, tradizioaren eta bizimodu berriaren arteko talka, guraso eta seme-alaben arteko ezin ulertua. Bizitza ulertzeko eta bizitzari aurre egite bi modu, elkarren aurka. Eta badoan mundu baten eta badatorren beste baten aurrean, lekuko isila: amama. 'Amama' 22:15ean ikusi ahal izango da ETB1en.

'3txulo'k eskainitako ikuskizunak

'3txulo'k gabonetan Donostiako Kursaalean eta Iruñeko Baluarten eskainitako ikuskizunak izango dira ikusgai hurrenez hurren asteazken eta ostegunean. 4ra (Amancay Gaztañaga), 2ttor (Iker Galartza), Xbel (Zuriñe Hidalgo), izeba Kattalin (Libe Aranburu) eta Gorritxo pertsonaiak izango dituzte protagonista. '3txulo'ko kanta ezagunak abestuko dituzte eta abentura zirraragarriak bizi.

3txulotarrak eta… Nork hustu du Kantauri itsasoa? ikuskizuna izango da ikusgai asteazkenean. Itsasoa hustu dela eta, '3txulo'ko pertsonaiak arazoa konpontzen saiatuko dira.

Ostegunean, berriz, 3txulotarrak eta… Euskararen altxorra! eskainiko da. 50 urtero 2ttorrek ardura bat dauka, denboran atzera joan eta liburu garrantzitsu bat zaindu eta garbitu. Ezuste batean, desagertu egin da liburua eta 4rak, Xbelek eta 2ttorrek ikusleen laguntza beharko dute abentura berri honetan

13:00etan emango dira ETB1en ikuskizunak.

Temas

Recibe nuestras newsletters en tu email

Apúntate