Diario Vasco

Jontxu eta Markel bakarrik eta galduta, ostiraleko 'Go!azen'-en

Markel eta Jontxu.
Markel eta Jontxu. / ETB
  • Basakabi udalekua hustu egin beharko dute hirugarren atalean. Bestetik, Elenek bere ahizpa bidaliko du Mikelekin hitz egitera, berarekin itzuli dadin

Basakabi udalekua hustu egin beharko dute ostiralean, 'Go!azen' telesailaren hirugarren atalean. Eta horretan dabiltzala, Jontxu eta Markel bakarrik geldituko dira eraikinean, besteek alde egin ondoren, eta galduta.

Irati kokoteraino dago Zuzenek berarekin duen jarrerarekin; esperientzia gabekotzat jotzen du eta ez ditu bere ideiak ontzat hartzen. Horrela, Peiok eta biek froga bat egitea erabakiko dute. Ondorioz, azkenean, larrialdi-simulakro bat antolatu beharko du Iratik.

Simulakro hori egiten ari direla, Jontxu eta Markel ezin irtenik geldituko dira Basakabin. Bakarrik eta galduta geldituko dira udalekuan, eta a ze nolako iskanbila sortuko duten! Horrez gainera, jendea gaixotu eta hiltzen duen birus lazgarri bat dabilela Basakabin zabaldu da. Egia ote da? Arriskuan ote daude Jontxu eta Markel? Ala eurak izango dira bizirik iraungo dutenak?

Zurrumurruak zurrumurru, Elenek beste arazo bat dauka. Oso gustuko du Mikel eta ez du amore eman nahi. Hori dela eta, Haizeari eskatuko dio Mikelekin hitz egin dezala eta berarekin itzultzeko konbentzitu dezala. Lortuko ote du Haizeak ahizpak esandakoa egitea? Mikelek bere sentimenduak kontatuko ote dizkio Haizeari?

Ostiralean, 21:00etan, ikusi ahal izango da 'Go!azen 3.0'ren hirugarren atala ETB1en eta eitb.eus-en.

Temas

Recibe nuestras newsletters en tu email

Apúntate