Diario Vasco

'Pintxo & Pote' saioa Laudion izango da

'Pintxo & Pote' saioa Laudion izango da
  • VII. Pintxo eta Kazolatxo mikologikoen ibilbidea ezagutuko dute Asier Hormazak eta Andoni Agirregomezkortak

Astearteko 'Pintxo & Pote' saioan, Josema Azpeitiak Asier Hormaza eta Andoni Agirregomezkorta Laudiora bidaliko ditu, Laudioko VII. Pintxo eta Kazolatxo mikologikoen ibilbidea ezagutzera.

Hasteko, Asier Ederki Tabernara abiatuko da. Bertan, Jatsu Oseguera eta Ariane San Juan sukaldariarekin egongo da eta kazolatxo bat prestatuko dute. Andoni, bitartean, Batzoki jatetxera joango da eta Joseba San Pedrorekin pintxo bat egingo du.

Gero, Asierrek eta Andonik Julen Reketa mendizalearekin topo egingo dute, eta Laudioko azokan sartuko dira.

Andonik Ibone Sanchez triatletarekin egoteko aukera ere izango du, Arrañope tabernan pintxo bat hartuko dute. Asier, bere aldetik, Gozo toki tabernan izango da, Edurne Ozaeta jabearekin, eta hantxe pintxo bat egingo dute.

Berriz ere elkarrekin, Asierrek eta Andonik Beldui txakolindegian kata bat egingo dute, Rosa Segurolarekin.

Asier Angel Ortiz El cajitas-ekin egongo da bere txokoan, eta gero Pintxo eta Kazolatxo mikologikoen ibilbideko zenbait tabernatan ibiliko dira, Asier Barrueta eta bere koadrilarekin. Andoni Iluntze kafetegira joango da, eta hantxe, Hector Borge jabearekin, pintxo bat kozinatuko du.

Ondoren, Asier eta Andoni Kepa Sojo zinemagilearekin egongo dira zerbait hartzen, Lauri Barria tabernan. Horrez gain, Arlote abesbatza entzungo dute eta arduraduna den Felix Mugurutzarekin egongo dira, Avenida tabernan.

Pintxo Potean murgiltzen hasiak direla, bi aurkezleak Yogurinha Borova artistarekin Haitzulo barri tabernan izango dira eta koktel bat probatuko dute.

'Pintxo & Pote' astearte honetan emitituko da 22:15etik aurrera ETB1en.

Temas

Recibe nuestras newsletters en tu email

Apúntate