Diario Vasco

Baserri eta Txankarra, bizitza modernorako trebatzen

Baserri eta Txankarra, bizitza modernorako trebatzen
  • Egungo berrikuntza teknologikoak probatu eta erabiltzen saiatuko dira

Manu Zatika 'Baserri' eta Dani Robles 'Txankarra' teknologia berriak erabiltzen gazteak bezain trebeak diren ala ez ikusikosteko aukera izango da 'Baserri, Txankarra & Maitane' saioan. Maitane Segurolak hara eta hona eramango ditu bi arrantzaleak mende honetako aurrerakuntzekin trebatu daitezen. Hasteko, Donostiako Eureka Zientzia Museora joango dira. Bertan segwayz ibiliko dira eta han dituzten plasma bola, fakirraren ohea eta Tesla kaiola probatuko dituzte.

Saioaren atal honetan, gure bi jubilatuek elektronikaren azken aurrerakuntzak ere ezagutu ahal izango dituzte: smartphoneak, tabletak... Tresna horien aplikazioak lehen aldiz erabili, disfrutatu eta jasan ere egingo dituzte. Zer moduz moldatuko dira gaztetxoen artean modan jarri den Pokemon-Go jokoarekin?

Virtualware errealitate birtualean espezialitatuta dagoen enpresak garatutako sistemak ezagutu eta probatuko dituzte: jolasteko aplikazioak, osasunarekin lotuta daudenak, enpresei zuzendutakoak... 3-D inprimagailuak zertarako erabiltzen diren ezagutuko dute, eta drone bat pilotatzen saiatuko dira. Zenbat segundo iraungo du droneak airean lurra jo gabe?

Medikuntzak ziztu bizian egiten du aurrera eta, zientzialari batzuek diotenez, laster iritsiko da gizonezkoek ere haurdun geratzeko ahalmena izango duten unea. Nola jasango dute Lekeitioko arrantzale jubilatu hauek erditze ikastaro bat? Eta uzkurduren mina?

Astelehen honetan, 22:15ean, izango da ikusgai Baserri eta Txankarra bizitza modernorako trebatzen atala.

Temas

Recibe nuestras newsletters en tu email

Apúntate