Diario Vasco

Beira birziklatzea butzatuko du Hiru3k

Gorritxo izan dute ondoan EiTB eta Ecovidrioko ordezkariek,
Gorritxo izan dute ondoan EiTB eta Ecovidrioko ordezkariek, / EITB
  • Ecovidriok eta Hiru3 klubak sinatutako lankidetza hitzarmena dela eta, Gorritxoren irudia izango duten edukiontzi txikien erabilera sustatuko da

Hiru3 EiTBko haurren komunitateak Ecovidrio erakundearekin lankidetza hitzarmena lotu du, beira birziklatzearen garrantziaz jabetzeko. Horren ondorioz, Gorritxoren irudia daukaten edukiontzi txikiak erabiltzea sustatuko dute.

ETB3ren '3Txulo' saioak ikus-entzuleen artean birziklatzea bultzatzeko hainbat ekimen egingo ditu. Halaber, Hiru3 klubak 100 edukiontzi zozketatuko ditu bazkideen artean eta bazkide egin nahi dutenen artean. Horrez gain, Ecovidrioren webean, EiTBk edukiontzi pertsonalizatuak salgai izango ditu.

Aurkezpenean Andoni Aranburu EiTBren Estrategia eta Komunikazio zuzendariak eta Borja Martiarena Ecovidrioren Marketing zuzendariak hartu dute parte, Gorritxorekin batera. Gazteak birziklatzera animatzeko, lankidetzak duen garrantzia azpimarratu dute biek.

Andoni Aranburuk azaldu duenez, EiTB ingurumenaren gaineko eragina samurtuko duten ekimenetan parte hartzeko prest dago beti: «Hiru3ren bidez EiTBk Ecovidriorekin lotutako itunak jasangarriagoak izaten lagunduko gaitu. Gaztetxoak eta gaztetxoen familiak beira birziklatzea da helburua», azaldu du.

Borja Martiarena Ecovidrioko Marketing zuzendariak, berriz, haurrek preskribatzaile gisa eta ingurukoen ohiturak aldatzeko indar handia dutela azpimarratu du. «Beraiek izango dira birziklatzaile etorkizunean, eta gure eginbeharra arreta piztuko dieten tresnak euren eskura jartzea da. Giza sentsibilizazioa, eta zehatzago esanda, gazteen kontzientzia piztea dira gure lehentasunak ekiterako orduan», amaitu du.

EiTB taldeak haurrei zuzenduta sortutako komunitate digitala da Hiru3, Betizuren oinordekoa. Internet eta teknologia berriak ardatz hartuta, bi oinarri ditu: ETB3 telebista katea eta. www.eitb.eus/hiru3 web gunea .0tik 14 urterako neska, mutil eta nerabeei zuzenduta dago eta 30.000 bazkide ditu.

Temas

Recibe nuestras newsletters en tu email

Apúntate