Diario Vasco

Zea Maysek disko berria aurkeztuko du 'EiTB Kultura Transit' saioan

Zea Maysek disko berria aurkeztuko du 'EiTB Kultura Transit' saioan
  • Saioak, gainera, Igor & Moreno dantza garaikide konpainiaren azkeneko ikuskizunak ezagutuko ditu gertutik

Aste honetan, Zea Mays taldeak bere disko berria aurkeztuko du 'EiTB Kultura Transit' saioan. Bilboko Irala auzoko euren entsegu lokalaren teilatuan egingo dute aurkezpena eta ozenki abestuko dute disko berriaren singlea: 'Enbata'. Musika munduan 20 urteko ibilbidea egin ondoren, euren zortzigarren estudioko lana argitaratuko dute Harro izenburupean. Konposizio aldetik aurreko lanetatik bereizten da disko berria, teklatua eta sintetizadoreak erabiliz sortu baitituzte abesti berriak.

Igor & Moreno Igor Urzelai eta Moreno Solinas dantzariek 2006an sortutako dantza garaikideko konpainia da. Beren azken obra, A room for all our tomorrows, Bilboko BAD jaialdian estreinatu zuten, eta orain Europan barrena emanaldiak egiten ari dira. Azaroaren amaieran Euskal Herrira itzuliko dira, Gasteizko inTACTO jaialdian beren aurreko ikuskizuna, Idiot-Syncrasy aurkeztera. Bilboko Dantzerti eskolan egindako entsegu batean elkartu dira bikotearekin.

Amaitzeko, La Publika izeneko proiektuaz hitz egingo du saioak. Praktika artistikoek arlo publikoa nola eraikitzen duten aztertu dute azken hiru urteetan. Eta hausnarketak irrati sinposio batean azaldu ziren joan den astean, Donostia 2016ren laguntzaz.

'EiTB Kultura Transit' ostegun gauean emitituko da ETB1en eta ETB2n.

Temas

Recibe nuestras newsletters en tu email

Apúntate