Diario Vasco

Donostian estreinatuko da 'Go!azen'

Artxiboko argazkian, lehen denboraldiari dagokion grabaketa.
Artxiboko argazkian, lehen denboraldiari dagokion grabaketa. / DV
  • Kursaal Jauregian dute hitzordua astearte honetan ETB1eko telesaileko protagonistek eta jarraitzaileek

'Go!azen' telesaila herriz herri dabil urrian, lehen atala han eta hemen estreinatzen. Astearte honetan Donostian dute hitzordua, Kursaal Jauregian, 19:30etik aurrera. Euskaltelek babestuko duen ekitaldi honetan, Gasteizekoan eta Bilbokoan bezala, aktoreek koreografia bat dantzatuko dute emanaldiaren aurretik, eta ondoren argazkiak egingo dituzte zaleekin.

Irailean Gasteizko FesTVal jaialdian egon ziren Basakabi udalekuetako abenturak biltzen dituen telesaileko protagonistak. Joan den ostegunean Bilbon aurrestreinatu zen lehen atala eta gaur Donostiaren txanda izango da.

Bihar, asteazkena, Zarautzeko eta Andoaingo zinema-aretoetan ikusi ahal izango da 'Go!azen'eko lehen atala eta ostegunean Irunen. Asteburua iristearekin batera, berriz, urriaren 15ean Sondikan eta Azkoitian, 16an Ermuan eta 20an Leioan.

Nafarroako hiriburuan urriaren 21ean izango da aurrestreinaldia, aktoreak bertan direla. Iruñeko Planetarioan egingo da Laboral Kutxa babesleak antolatutako ekitaldia.

Egun horretan bertan, Zornotzan ere ikusi ahal izango da estreinako atala; eta hurrengo egunetan baita beste hainbat herritan ere, besteak beste, 22an Beasainen, 23an Amurrion eta 28an, aldiz, Zallan eta Zumarragan.

Azkenik, azaroaren 12an, Gabiriako Kultur Aretoan egingo da Gipuzkoako Foru Aldundiak antolatutako aurrestreinaldi ekitaldia, aktoreak eta lantaldea bertan direla.

 

Temas

Recibe nuestras newsletters en tu email

Apúntate