Diario Vasco

Beldurra aztergai, asteleheneko 'Batek Daki' saioan

Aitziber Garmendiak gidatzen du saioa.
Aitziber Garmendiak gidatzen du saioa. / ETB
  • Beldur mota ezberdinak aztertuko ditu Aitziber Garmendiak, eta bere beldur pertsonaletan ere murgilduko da

Beldurra, arriskutsutzat jotzen den egoera batean sentitzen den emozioa dela esaten da. Gainera, beldur hori muturreko egoera batean sentitu ezkero, paralisi edo fobia gisa ere sentitu dezakegu. Baina pentsatzen jarrita, zein egoeratan sentitzen ditugu beldur horiek? Nola transmititzen dira izu edo fobiak? Galdera horiek erantzuten saiatuko da Aitziber Garmendia aste honetako 'Batek Daki' saioan.

Maite Redondo psikologoarekin elkartuko da Garmendia beldur motak ezagutzeko. Zer da beldurra izatea? Noiz igarotzen da fobia izatera? Redondo Nesplora enpresako psikologoa da, eta bertan, dentistei zaien beldurrei aurre egiteko 3Dko betaurrekoak erabili dituzte.

Ohikoa izaten da altuerei beldurra izatea. Baina zertarako gai izango da altuerei fobia dien pertsona bat? Hamargarren pisu batetik behera begiratzeko gai izango ote da? Zubi bat gurutzatzeko gai da? Eta zubitik bere burua botatzeko puentingean? Jon Campo bertigo handia duen pertsona da, eta Aitziberrekin batera zer egiteko gai den ala ez deskubrituko du.

Oso ezagunak dira beldurrezko istorioak, bereziki Euskal Herrian. Zarauzko Narros Jauregiko istorioa da kontakizun misteriotsu horietako bat. Gari Berasaluze adituarekin bertan izango da Aitziber Garmendia, beldurrezko istorioak ezagutzeko asmoz.

Fikzioan ere asko landu izan da beldurra. Beldurrezko filmak arrakasta handia izan ohi dute gure artean. Euskal Herrian ere bada horrelako filmak egiten dituztenak ere. Beñat Iturrioz eta Xabier Padin zine zuzendariekin egongo da Garmendia. Ala, Euskal zonbien eta banpiroen filmak nola egiten dituzten azalduko dute.

Eta Aitziber Garmendiak? Zerri dio benetako beldurra Aitziber Garmendiak? Gai izango ote da bere fobiari aurre egiteko?

'Batek Daki' astelehen honetan emitituko da 22:15etik aurrera ETB1en.

Temas

Recibe nuestras newsletters en tu email

Apúntate