Diario Vasco

'Burubero'-ko 8.500 euroko zakua, Altsasura

  • Beñat Agirre 26 urteko gazteak eraman du zakua, lehiaketan aritu den hirugarren saioan

'Burubero' saioak bere bigarren denboraldiko lehen zakua banatu zuen ostiraleabn. 8.500 euroko zakua irabazi du Beñat  Agirre lehiakideak. Bere hirugarren saioan, azken probara iritsi eta zakua eraman du.

Beñatek 26 urte ditu eta Altsasukoa da. Jarduera fisikoan eta kirol zientzietan lizentziatua da baina administrazioan dabil lanean. Eskiatzea, ordenagailuak, eta bideoak editatzea ditu gustuko. Zakua irabaziko balu Hegoamerikara bidaiatzea gustatuko litzaioke, eta orain, bidaia hori egiteko aukera izango du.

Gainera, zakua irabazi duen arren, 'Burubero'n parte hartzen jarraituko du eta diru gehiago irabazteko aukera izango du. Bigarren denboraldi honetako lehen zakua da Beñatek eraman duena, baina zakuaz gain, beste hainbat diru banatu da 'Burubero'n.

ETB3, goizean goiz

Bestalde, datorren astelehenetik aurrera, irailak 26, Nafarroa osoan, ETB1en, goizeko 07:00etatik 09:00etara, ETB3ko haur programazioa ikusi ahal izango da. Hartara, ETB3 oraindik disfrutatu ezin duten ikus-entzuleek, ETB1en bidez, goizero bi orduz  haur programazioa izango dute ikusgai.

ETB3ren eskaintza osoa, halaber, eskuragai dago eitb.eus-eko Hiru3ren webgunean eta EiTB Nahieran-en.

Temas