Surflariaren atsedena Landako ondoan

'Performance' modukoa egin zuten Landako parean/Morquecho
'Performance' modukoa egin zuten Landako parean / Morquecho

Iñigo Urdinagaren ‘Surflaria eta paradisua’ liburuaren promozio-ekintza egin zuten

Durango

Durangoko Azokako atzoko une berezi horietako bat izan zen: gizon gazte bat bainu-ontzi baten barruan, surflariek erabili ohi duten neoprenozko jantzia soinean. Iñigo Urdinagaren ‘Surflaria eta paradisua’ liburuaren promozio-ekintza zen. Urdinagak badaki zerbait promozioaz, ezizen honen atzean Iñigo Fernandez Ostolaza publizitate arloko eskarmentu handiko profesionala baitugu.

Neoprenozko jantziaren barruan zegoen gizon gaztea, berriz, Xabier Arbonies da, durangarra eta Antropologiako ikaslea. Unibertsitatean Urdinagaren liburuari buruzko azterlana egiten ari da eta hortik bi gizonon arteko harremana.

Hau esan zuen Arboniesek: "Liburua ez da bakarrik surflarientzat. Kritika egiten dio munduan nagusitzen ari den globalizazioari, masifikazioari, merkantilizazioari. Bertan surfaren aldaketa itzela salatzen da: nola hippy batzuen jarduna izatetik turismo kutsuko zerbait izatera pasa den. Axi Muniainek esaten duena, Benidorm bihurtu dutela Zarautz". Arboniesek ere egiten du surfean.

Contenido Patrocinado

Fotos

Vídeos