Beiraren hirugarren diskoa, aurrekoak baino dantzagarriagoa

Ohiko bostekoa eta ahots eta koruetan lankide izan duten Irati Odriozola./SARA SANTOS
Ohiko bostekoa eta ahots eta koruetan lankide izan duten Irati Odriozola. / SARA SANTOS

Orain ere Jon Martin bertsolariaren testuak eta Igor Arruabarrenaren doinuak dira oinarri

F.I.

Hirugarren diskoa plazaratu du Beira taldeak: 'Braillean'. Ohi bezala, musikatutako bertsoak ekarri ditu taldeak, oinarria Jon Martin bertsolariaren hitzak direla. Hauek musikatzen Martinekin batera taldea abian harri zuen Igor Arruabarrena jardun da. Donostiako aurkezpen ekitaldian adierazi dutenez, hirugarren disko honekin "erritmo dantzagarriagoen eta indartsuagoen aldeko apustua berretsi" dute. Beraz, aurreko diskoaren –'Margotu berria'– bide beretik jarraitu nahi dute, eta atzean gelditzen da lehen diskoko kantautore-tankera hura. Oraingoan "estilo ezberdinetako erritmoak" agindu dituzte.

'Braillean' kantuan hau dio Jon Martinek: "Zure titiburuetan / braillean idatzitako /poemen irakurketan. / Murgildu nahi nuelako / ezpain mutuen errekan".

Hauek dira Beirako kideak: Jon Martin (ahotsa), Igor Arruabarrena (gitarra elektrikoa, teklatua eta programazioa), Urtzi Olaziregi (baxua), Garikoitz Amundarain (gitarra akustikoa), Mikel Arruabarrena (bateria eta perkusioa) eta Irati Odriozola (ahotsak eta koruak).

Larunbat honetan Oiartzungo Pagoan ariko dira, 22:00etan. Durangon abenduaren 6an ariko dira, Ahotsenean. Eta 10ean, berriz, Elizondoko Arizkunenean.

Temas

Euskera

Contenido Patrocinado

Fotos

Vídeos