Hamalau musika-hitzordu lehen egunerako

Hamalau musika-hitzordu hauetako hainbatetan interprete gazteak izango dira protagonista nagusi, eta Jose María Usandizagaren hainbat lan eskainiko dira, konposagile donostiarra zendu zela 100 urte betetzen direla gogorarazteko (1887-1915). Usandizaga, gainera, edizio osoan zehar omenduko du Musika Hamabostaldiak, haren sorkuntza-lanaren ikuspegi zabala eskainiz.

Bestalde, urtero ohi bezala, gaixorik edo maitasun nahiz animo beharrean dauden pertsonak ere gogoan izango ditu jaialdiak bere lehen konpasetan, eta Inaugurazio Eguneko zenbait kontzertu zahar-etxeetan eta Onkologikoan egingo dira, Hamabostaldi Solidarioa izenpean.

Kalifoniako hiru emakumek, euskal jatorrikoek, osatzen dute Noka hirukotea: Andrea Bidart, Begoña Echeverria Riversideko Unibertsitateko irakaslea eta taldeko ideologoa eta Cathy Petrissans. Larunbatean San Telmo Museoko kalustroan ariko dira, 20:00etan, MIkel Markezekin eta Xabier Euzkitzerekin, eta gero bira bati ekingo diote: Arespalditza-Araba (hilak 4), Elizondo (hilak 7), Espejo-Araba (9), Garindaine-Zuberoa (14) eta Etxano-Bizkaia (16). Elizondon eta Etxanon Erramun Martikorenarekin jardungo dira.