Migel Joakin Eleizegiren oroigarriak, San Telmo museoan

USOZ

1917 urteaz geroztik gordetzen dira bertan Altzoko handiarenak izandako zenbait objektu. Oso aproposak dira Eleizegi handia zein handia izan zen irudikatzeko

Zinema aretoera heldu berria da 'Handia'. Jon Garaño eta Aitor Arregiren film sarituak jakinmin handia sortu du, Altzon jaiotako Migel Joakin Eleizegiren bizitza beste ikuspegi batetik ezagutzeko aukera eskaintzen baitu. Migel Joakin, alegia, ez zen bakarrik handia, baina handia ere bazen, eta 2,42 metroko gizon puska zein handia zen irudikatzeko modurik onenetakoa Donostiako San Telmo museora hurbiltzea da. Hain zuzen ere, San Telmo Museoko erakusketa iraunkorrean, goi klaustroan, ikusgai daude bereak izandako hainbat objektu: oinetako orkoia, kapela, aulkia, eskularruak eta benetazko tamainako marrazkia.

Altzoko Handia da, bestalde, museoko erakusketa iraunkorreko ibilbidea egiteko Aitziber Alonsoren ilustrazioekin prestatutako liburuxkaren protagonista.

Temas

Euskera

Fotos

Vídeos